Framkvæmdaákvörðun framkvæmdastjórnar ESB um breytingu á framkvæmdaákvörðun 2019/450 um birtingu á evrópskum matsskjölum fyrir tilteknar byggingarvörur, til stuðnings ákvæðum CPR. - 32019D0896

Framkvæmdarákvörðun framkvæmdastjórnarinnar (ESB) 2019/896 frá 28. maí 2019 um breytingu á framkvæmdarákvörðun (ESB) 2019/450 að því er varðar evrópsk matsskjöl um skilveggjasamstæður sem eru ekki hluti af burðarvirki, kerfi sveigjanlegra og vatnsþéttandi þakplatna með þar til gerðum festingum, þunnar samsettar málmplötur, sveigjanlegar, holar smákúlur sem steypublanda, festibúnað fyrir þak og sjálfberandi, gagnsæjar þakeiningar sem eru klæddar plastplötum

FRAMKVÆMDASTJÓRN EVRÓPUSAMBANDSINS HEFUR, með hliðsjón af sáttmálanum um starfshætti Evrópusambandsins, með hliðsjón af reglugerð Evrópuþingsins og ráðsins (ESB) nr. 305/2011 frá 9. mars 2011 um samræmd skilyrði fyrir markaðssetningu byggingarvara og niðurfellingu á tilskipun ráðsins 89/106/EBE ( ), einkum 22. gr., og að teknu tilliti til eftirfarandi:

1) Í samræmi við reglugerð (ESB) nr. 305/2011 eiga tæknimatsstofnanir að nota aðferðir og viðmiðanir, sem kveðið er á um í evrópskum matsskjölum, þar sem tilvísanir til þeirra hafa verið birtar í Stjórnartíðindum Evrópusambandsins, til að meta nothæfi byggingarvara sem falla undir þessi skjöl í tengslum við mikilvæga eiginleika þeirra.

2) Í kjölfar ýmissa beiðna um evrópskt tæknimat frá framleiðendum hafa samtök tæknimatsstofnana, í samræmi við 19. gr. reglugerðar (ESB) nr. 305/2011, tekið saman og samþykkt ýmis evrópsk matsskjöl.

3) Evrópsku matsskjölin tengjast skilveggjasamstæðum sem eru ekki hluti af burðarvirki, kerfum sveigjanlegra og vatns-þéttandi þakplatna með þar til gerðum festingum, þunnum samsettum málmplötum, sveigjanlegum, holum smákúlum sem steypublanda, festibúnaði fyrir þak og sjálfberandi, gagnsæjar þakeiningar sem eru klæddar plastplötum. Evrópsk matsskjöl innihalda almenna lýsingu á byggingarvörunni, skrá yfir mikilvæga eiginleika sem skipta máli fyrir ætlaða notkun vörunnar samkvæmt tilgreiningu framleiðandans og sem samkomulag ríkir um á milli framleiðandans og sam-taka tæknimatsstofnana, ásamt aðferðum og viðmiðunum fyrir mat á nothæfi vörunnar í tengslum við þá mikilvægu eiginleika.

4) Enda þótt evrópsku matsskjölin, sem tengjast skilveggjasamstæðum sem eru ekki hluti af burðarvirki, kerfum sveigjan-legra og vatnsþéttandi þakplatna með þar til gerðum festingum og sjálfberandi, gagnsæjum þakeiningum sem eru klæddar plastplötum, hafi verið gefin út, í stað samsvarandi fyrri viðmiðunarreglna um evrópskt tæknisamþykki, byggjast evrópsku matsskjölin, sem tengjast þunnum samsettum málmplötum, sveigjanlegum, holum smákúlum sem steypublanda og festibúnaði fyrir þak, eingöngu á beiðni einstakra framleiðenda um evrópskt tæknimat.

5) Framkvæmdastjórnin hefur metið hvort evrópsku matsskjölin, sem unnin eru á vegum samtaka tæknimatsstofnana, uppfylli kröfurnar í tengslum við grunnkröfur um mannvirki sem settar eru fram í I. viðauka við reglugerð (ESB) nr. 305/2011.

6) Evrópsku matsskjölin, sem unnin eru á vegum samtaka tæknimatsstofnana, uppfylla kröfurnar í tengslum við grunn-kröfur um mannvirki, sem settar eru fram í I. viðauka við reglugerð (ESB) nr. 305/2011, þar eð atriðin, sem eru til-greind í 3. forsendu þessarar ákvörðunar, hafa verið felld inn í matsskjölin á tilhlýðilegan hátt. Því er viðeigandi að birta tilvísanir til þessara evrópsku matsskjala í Stjórnartíðindum Evrópusambandsins.

7) Skrá yfir evrópsk matsskjöl er birt með framkvæmdarákvörðun framkvæmdastjórnarinnar (ESB) 2019/450 ( ). Fyrir skýrleika sakir ætti að bæta tilvísunum til nýrra evrópskra matsskjala í þá skrá.

8) Því ætti að breyta framkvæmdarákvörðun (ESB) 2019/450 til samræmis við það.

9) Til að gera mögulegt að nota evrópsku matsskjölin eins og fljótt og auðið er ætti þessi ákvörðun að öðlast gildi á þeim degi sem hún er birt.