Tilmæli nr. H2 um að auðkenningu útgefinna skjala stofnana sem fólk hefur meðferðis við för milli ríkja til að koma í veg fyrir fölsun skjalanna. - 32019H0429(01)

Í 5. gr. rg. (EB) nr. 987/2009 er kveðið á um að skjöl sem stofnun í aðildarríki gefur út og sem sýna stöðu einstaklingsins að því er varðar beitingu reglugerða (EB) nr. 883/2004 og nr. 997/2009 skuli viðurkennd af stofnunum annarra aðildarríkja svo fremi sem þau hafi ekki verið dregin til baka eða lýst ógild í aðildarríkinu sem gaf þau út. Framkvæmdaráðið um samræmingu aðildarríkja ákveður uppsetningu og efni skjala er hafa skal meðferðis og sem öllum aðildarríkjunum ber að nota í þessum tilgangi. Til þess að tryggja rétta beitingu reglugerðanna er mikilvægt að þessi skjöl séu með sterkari öryggisþætti. Framkvæmdaráðið hefur þegar samþykkt tilmæli nr. A1 varðandi útgáfu vottorðisins sem kveðið er á um í 2. mgr. 19. gr. reglugerðar (EB) nr. 987/2009 og þar sem lagðar eru til aðgerðir til að hindra fölsun vottorðs A1 er hafa skal meðferðis. Í tilmælum nr. H2 er mælt með því að sams konar aðgerðum verði einnig beitt þegar um önnur skjöl er að ræða sem afhent eru einstaklingum og sem sýna lagalega stöðu þeirra þegar um er að ræða beitingu reglugerðanna. Tilmælin veita leiðbeiningar um auðkenningu skjala er höfð eru meðferðis til að hindra fölsun eyðublaðanna. Aðildarríkin geta valið að beita ekki tilmælum nr. H2 á þau skjöl er hafa skal meðferðis og sem ekki sýna réttindi einstaklings eða greiðslur, en sem hafa þann megintilgang að miðla upplýsingum milli þar til bærra stofnana og viðkomandi einstaklings, þ.e.a.s. skjölin P1 og U3. Tilmælin gilda ekki um Evrópska sjúkratryggingakortið en um útlit þess og tæknileg atriði gilda ákvarðandir framkvæmdaráðsins nr. S1 og S2. Í tilmælum nr. H2 er mælt með því að bætt verði við þáttum þegar skjalið er gefið út sem auðvelda auðkenningu. Ef skjalið er gefið út handvirkt ætti að prenta það þannig að textinn sé báðum megin á blaðsíðunni og blaðsíðurnar ættu að vera heftar saman á þann hátt að erfitt sé að aðskilja þær. Enn fremur ætti að undirrita skjalið handvirkt og stimpla það. Ef skjalið er gefið út á rafrænan hátt ætti það að hafa raðnúmer eða einkennisnúmer á hverri blaðsíðu. Þá er mælt með því að útgefið skjal sé skráð á þann hátt að auðvelt sé fyrir útgáfustofnunina að staðreyna að það sé ósvikið. Aðildarríkin skulu tilkynna framkvæmdaráðinu um samræmingu tryggingakerfa um mismunandi útgáfuaðferðir stofnana þeirra á þeim skjölum er hafa ber meðferðis og sem falla undir tilmælin. Sendinefndir ríkjanna í framkvæmdaráðinu skulu miðla þessum upplýsingum til stofnana í viðkomandi ríki.