32019L0520

Markmið sem að er stefnt: Markmiðið er að rafræn vegatollakerfi verði notuð sem víðast í aðildarríkjunum og nágrannalöndunum þeirra. Jafnframt er stefnt að því að kerfin verði áreiðanleg, notendavæn, og hagkvæm. Miðað er að því að kerfin verði þannig gerð að þau geti þróast með stefnu Evrópusambandsins í vegatolla málum og aðlagast framförum í tækni. Að samhæfa rafræn vegatollakerfi mun einnig verða til þess fallið að draga úr kostnaði og auðvelda fólki að tengjast kerfum til greiðslu vegtolla.Aðdragandi: Með tilskipun 2004/52/EB um rekstrarsamhæfi rafræns vegatollakerfis í Bandalaginu var kveðið á um nauðsynleg skilyrði til að tryggja rekstrarsamhæfi rafrænna vegatolla innan þess. Tilskipunin gilti um rafræna innheimtu allra tegunda veggjalda á öllu vegakerfi Bandalagsins. Þar er átt við í borgum og milli borga, á hraðbrautum, aðalvegum og smærri vegum og við ýmis mannvirki, s.s. göng, brýr og ferjur.Tilskipunin náði þó ekki til vegatollakerfis þar sem a) engar rafrænar aðferðir voru við innheimtu vegatolls, b) rafræn vegatollakerfi þar sem ekki er þörf á uppsetningu búnaðar í ökutækjum, og c) lítil, algerlega staðbundin vegatollakerfi þar sem kostnaðurinn við að fara að kröfum tilskipunarinnar væri í engu samræmi við ávinninginn sem af því hlytist.Til að ná framangreindu markmiði skyldi komið á fót evrópskri, rafrænni vegatollþjónustu sem kæmi til viðbótar innlendri rafrænni vegatollþjónustu hvers ríkis. Hún átti að tryggja rekstrarsamhæfi vegtollakerfa í öllu Bandalaginu.Það var hins vegar metið sem svo að markmiðin sem sett voru með tilskipun 2004/52/EB næðust ekki. Ýmis vandamál komu upp, s.s. erfiðleikar við að sækja greiðslu vegna vanrækslu á greiðslu vegatolla þegar ökutæki eru skráð í öðru aðildarríki. Þetta var talið vera vegna þess að enginn miðlægur sam-evrópskur gagnagrunnur gerði aðildarríkjunum það kleift að skiptast á upplýsingum til að framfylgja eftirlitinu. Því fylgdi mikið tekjutap. Þannig er talið nauðsynlegt að til séu samhæfð rafræn vegagjaldakerfi innan Evrópu sem samhliða kerfum aðildarríkjanna sem virka oft aðeins á landsvísu.Efnisútdráttur: Tilskipunin inniheldur eftirfarandi 34. gr. í köflum I-IX auk viðauka I-III:Tilskipunin kveður á um nauðsynleg skilyrði til að: a) tryggja rekstrarsamhæfi rafrænna vegatollakerfa í öllu Sambandinu, í borgum og milli borga, á hraðbrautum, aðalvegum og smærri vegum og við ýmis mannvirki, s.s. göng, brýr og ferjur; b) greiða fyrir upplýsingaskiptum milli landa varðandi skráningu ökutækja þegar eigendur/umráðamenn þeirra hafa vanrækt að greiða veggjöld af einhverju tagi í Sambandinu. Undanþágur eru frá 3.-22. gr. þegar um er að ræða: a) vegatollakerfi sem ekki eru rafræn samkvæmt skilningi 2. mgr. 10. gr.; b) lítil, algerlega staðbundin vegatollkerfi þar sem kostnaðurinn við að fara að kröfum 3.-22. gr. væri í engu samræmi við ávinninginn sem af því hlytist. Markmiðið með samvirkni rafrænna vegatollakerfa í Sambandinu skal náð með EETS, e. European Electronic Toll Service, sem skal vera viðbót við innlenda rafræna tollþjónustu aðildarríkjanna.Í 23. gr. er kveðið á aum aðferð við upplýsingaskipti milli aðildarríkja. Hvert aðildarríki skal tilnefna innlendan tengilið. Aðeins tengiliðir hvers aðildarríkis geta skipst á upplýsingum um skráningu ökutækja.Umsögn: helstu breytingar, mati á umfangi, og áhrif hér á landi: Meta þarf hvort undanþáguheimildir 3.-22. gr. ættu við hér á landi, þ.e. þar sem um væri að ræða lítil, algerlega staðbundin vegatollkerfi þar sem kostnaðurinn við að fara að kröfum 3.-22. gr. væri í engu samræmi við ávinninginn sem af því hlytist.Hins vegar er skylda að tilnefna hér á landi innlendan tengilið sem skal vera tengiliðum annarra aðildarríkja innan handar við að afla og veita þær upplýsingar sem þeir þarfnast varðandi skráningu ökutækja hér á landi. Í kafla VIII, 23.-27. gr. eru nánari upplýsingar um upplýsingaskiptin sem skulu fara fram milli aðildarríkja vegna vanrækslu á greiðslu veggjalda.Lagastoð fyrir innleiðingu gerðar: 17. gr. vegalaga nr. 80/2007. Innleiðing með reglugerð nr. 979/2013 um rekstrarsamhæfi rafræns gjaldtökukerfis innan Evrópska efnahagssvæðisins, ásamt síðari breytingum.Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Ekki hefur reynst unnt að greina kostnað eins og er. Skörun við starfssvið annarra ráðuneyta: Nei.Tilgreining á hagsmunaaðilum: Vegagerðin.Horizontal issues: Sektir, aðrar refsingar, stofnanir, lönd utan EES: Gert er ráð fyrir að leggja megi á fjársektir á þann sem greiðir ekki veggjald/tolla. Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.