32019L1159

Markmið sem að er stefnt: Markmiðið er ætlað að samræma reglur Evrópusambandsins við breytingar sem gerðar hafa verið á STCW sáttmálanum.
Aðdragandi: Með tilskipun 2008/106/EB voru innleidd ákvæði STCW samþykktarinnar um menntun og þjálfun sjófarenda í reglur Evrópusambandsins. Þessum breytingum á tilskipuninni er ætlað að koma til móts við breytingar sem gerðar hafa verið á STCW sáttmálanum. STCW er skammstöfun á International Convention on Standards of Training, Certification and Watchkeeping for Seafarers. Með sáttmálanum voru settar lágmarkskröfur til hæfni og menntunar skipstjóra, stýrimanna og annarra sem ganga vaktir í brú á skipum sem notuð eru til siglinga á sjó. STCW var samþykkt árið 1978 af Alþjóða siglingamálastofnuninni, IMO og tók gildi árið 1984.
Þær breytingar sem hafa orðið á STCW sáttmálanum og eru gerðar að reglum Evrópusambandsins hér eru annars vegar um skírteini til siglinga við pólana vegna svokallaðs Polar kóða. Hins vegar er um að ræða reglur og skírteini til siglinga á skipum sem falla undir IGF kóðann. Sá kóði nær til skipa sem knúin eru með gasi eða öðru eldsneyti með lágt kveikjumark.
Efnisútdráttur: Nýjum skilgreiningum er bætt við annars vegar vegna Polar kóðans og hins vegar vegna IGF kóðans. Þá er gert skýrt að rafræn skírteini geti talist fullnægja ákvæðum tilskipunarinnar.
b-liður 5. gr. er ný viðbót við tilskipun 2008/106/EB. Hún hefur þann tilgang að innleiða kerfi gagnkvæmrar viðurkenningar á skírteinum sjómanna gefin út af aðildarríkjum. B-liður 5. gr. kemur í stað 3. gr. 2005/45/EB.
19. og 20 . gr. eru um reglur um viðurkenningu ríkja utan Evrópusambandsins og þau tilvik þar sem viðurkenning er afturkölluð.
Umsögn: helstu breytingar, mati á umfangi, og áhrif hér á landi: Sérhæfð atvinnuréttindi bætast við tilskipunina, þ.e. réttindi til siglinga við pólana og réttindi til siglinga á skipum sem falla undir IGF kóðann.
Lagastoð fyrir innleiðingu gerðar: Lagastoð er að finna í 2. mgr. 11. gr. lögum um áhafnir íslenskra farþegaskipa og flutningaskipa nr. 76/2001.
Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Ef íslenskir sjómannaskólar kenna námsefni til umræddra hæfnisskírteina má reikna með að það hafi einhvern kostnað í för með sér fyrir þá. Þá má reikna með að námskeiðin hafi kostnað í för með sér fyrir sjómennina sem sækja þau. Ekki verður þó séð að mikil eftirspurn verði eftir þessum sérhæfðu skírteinum.
Skörun við starfssvið annarra ráðuneyta: Menntamálaráðuneytið.
Tilgreining á hagsmunaaðilum: Útgerðir skipa sem falla undir STCW sáttmálann, þ.e. farþega- og flutningaskip.
Horizontal issues: sektir, aðrar refsingar, stofnanir, lönd utan EES: Nei
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei