32019R0026

Markmið sem að er stefnt: Tryggja réttarvissu fyrir alla hlutaðeigandi hagsmunaaðila og tryggja jafnframt jafnfræði milli framleiðenda með því að setja niður gagnsæ og jöfn samkeppnisskilyrði sem gilda í öllum aðildarríkjum.
Aðdragandi: Vegna fyrirhugaðrar útgöngu Bretlands úr Evrópusambandinu þykir nauðsynlegt að heimila framleiðendum ökutækja að öðlast nýja gerðarviðurkenningu frá gerðarviðurkenningaryfirvöldum aðildarríkja ESB öðrum en Bretlandi. Þessi reglugerð á einnig að tryggja að framleiðendur hafi áfram mikið frelsi við val á nýju gerðarviðurkenningaryfirvaldi. Til að tryggja réttarvissu fyrir alla hlutaðeigandi hagsmunaaðila og tryggja jafnframt jafnfræði milli framleiðenda þykir nauðsynlegt að setja niður gagnsæ og jöfn samkeppnisskilyrði sem gilda í öllum aðildarríkjum.
Efnisútdráttur: Reglugerðin inniheldur 8 ákvæði (útdráttur):
1. gr. – Efni. Reglugerðin er viðbót við tilskipun 2007/46/EB, reglugerð 167/2013/ESB, reglugerð 168/2013/ESB og reglugerð 2016/1628/ESB með því að setja sérstök ákvæði fyrir gerðarviðurkenningarvöld í EES og markaðssetningu ökutækja, kerfa, íhluta og aðskilinna tæknieininga sem hafa verið viðurkennd af gerðarviðurkenningaryfirvöldum í Bretlandi en EES gerðarviðurkenningarlöggjöf sem vísað er til í ákvæði 2(1) þessarar reglugerðar nær enn til Bretlands.
2. gr. - Gildissvið. Þessi reglugerð nær til ökutækja, kerfa, íhluta og aðskildra tæknieininga sem falla undir gildissvið tilskipunar 2007/46/EB, reglugerðar 167/2013/ESB, reglugerðar 168/2013/ESB eða reglugerðar 2016/1628/ESB og gerðar þeirra sem hefur verið viðurkennd af bresku gerðarkenningaryfirvaldi á grundvelli þessara gerða eða einhverrar þeirrar gerðar sem eru taldar upp í viðauka IV við tilskipun 2007/46/EB eða einhverju stjórnvaldsfyrirmæli sem hefur verið fellt niður af þessum gerðum.
3. gr. – Skilgreiningar.
4. gr. – Umsókn um bandalagsgerðarviðurkenningu.
5. gr. – Skilyrði fyrir veitingu bandalagsgerðarviðurkenningar og áhrif þess.
6. gr. – Bandalagsgerðarviðurkenningaryfirvald ábyrgt fyrir ökutækjum, kerfum, íhlutum og aðskildum tæknieiningum gerða sem eru ekki samþykkt með reglugerðinni
7. gr. – Sérstök ákvæði
8. gr. – Gildistökuákvæði.
Umsögn, helstu breytingar, mati á umfangi, og áhrif hér á landi: Ætla má að ákvörðun þessi hafi engin áhrif hér á landi þar sem hér eru engir framleiðendur ökutækja eins og stendur.
Lagastoð fyrir innleiðingu gerðar: Reglugerðin 2019/26/ESB verður innleidd í gerð og búnað ökutækja nr. 822/2004 með stoð í 60. gr. umferðarlaga nr. 50/1987.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Enginn kostnaður.
Skörun við starfssvið annarra ráðuneyta: Nei.
Horizontal issues: -sektir, -aðrar refsingar, -stofnanir, -lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.