EUROFOUND - 32019R0127

Í Dyflinni á Írlandi er starfrækt rannsóknarstofnun sem ætlað er að vinna að endurbótum á vinnuumhverfi í Evrópu (European Foundation for the Improvement of Living and Working Conditions). Stofnunin, sem komið var á fót árið 1975, hefur staðið að rannsóknum, sett fram tillögur að ráðstöfunum til að bæta vinnuumhverfi og gefið út upplýsingaefni þar að lútandi. EFTA/EES- ríkin hafa sameiginlega einn áheyrnarfulltrúa í stjórnarnefnd stofnunarinnar. Þátttaka EES-EFTA ríkjanna í þessari stofnun byggir á tvíhliða samninga sem gerður var 1994. Samkvæmt samningnum geta EFTA ríkin tekið þátt í þeim verkefnum sem þau kjósa innan EUROFOUND og greiða þá einungis fyrir þá þátttöku. Sömuleiðis greiða EES-EFTA ríkin fyrir þátttöku í stjórnarfundum (e. mangament board) sem áheyrnafulltrúar. Hingað til hefur Noregur verið sameiginlegur fulltrúi fyrir EES-EFTA ríkin í stjórninni. Nú hefur verið sett ný reglugerð um starfsemi þessarar stofnunar og er lagt til að sama fyrirkomulag verði fyrir hendi varðandi innleiðingu hennar og sami samningur hafður til grundvallar.