32019R0227

Reglugerðin snýr að því að breyta framseldri reglugerð (ESB) nr. 1062/2014 þar sem við bætist grein 6a er varðar umsóknir þar sem lögbært yfirvald í Bretlandi var lögbært matsyfirvald fyrir 30. mars 2019.
- Grein 6a á við færslur 79, 85, 113, 171, 187, 188, 321, 345, 346, 458, 531, 554, 571, 599, 609, 1045, 1046 og 1047 í II. viðauka.
- Lögbæra matsyfirvald aðildarríkis, sem hefur tekið við af lögbæru yfirvaldi í Bretlandi vegna umsóknar sem var lögð fram fyrir 30. mars 2019, skal upplýsa umsækjandann í síðasta lagi 30. apríl 2019 um þau gjöld sem þarf að greiða samkvæmt 2. mgr. 80. gr. reglugerðar (ESB) nr. 528/2012 og skal hafna umsókninni ef gjöld hafa ekki verið greidd innan þess tímafrests sem lögbæra matsyfirvaldið setur. Lögbæra matsyfirvaldið skal upplýsa umsækjanda og Efnastofnun Evrópu í samræmi við það.
- Lögbæra matsyfirvaldinu ber að skila matsskýrslu og niðurstöðu áður en eftirfarandi tímafrestir renna upp, hvor sem rennur upp síðar:
o (a) 31. desember 2020
o (b) tímafrestur til að skila matsskýrslu sbr. b lið 3. mgr. 6. gr. sem settir eru fram í III. viðauka.

Töflunni í II. viðauka er skipt út fyrir töfluna í viðauka við þessa reglugerð.

Reglugerðin tekur gildi á 20. degi eftir birtingu hennar í stjórnartíðindum Evrópusambandsins og skal koma til framkvæmda frá 30. mars 2019.

Reglugerðin skal vera bindandi í heild sinni og gilda án frekari lögfestingar í öllum aðildarríkjum.