Viðbúnaðarráðstafanir í almannatryggingum vegna útgöngu Bretlands úr ESB - 32019R0500

Reglugerðin á að gilda um
a) ríkisborgara í aðildarríki, ríkisfangslausa og flóttamenn sem eru eða hafa fallið undir löggjöf í einu eða fleiri aðildarríki og sem eru eða hafa verið í aðstæðum sem varða Bretland fyrir þann dag er reglugerðin tekur gildi ásamt fjölskyldumeðlimum þeirra og eftirlifendum
b) ríkisborgara í Bretlandi sem eru eða hafa fallið undir löggjöf í einu eða fleiri aðildarríkjum fyrir þann dag er reglugerðin tekur gildi ásamt fjölskyldumeðlimum þeirra og eftirlifendum.

Markmiðið er að standa vörð um almannatryggingaréttindi þessara einstaklinga með því að kveða á um að aðildarríkin skuli beita áfram meginreglunum um jafna
meðferð, jafngildi og söfnun sem kveðið er á um í reglugerðar (EB) nr. 883/2004 um samhæfingu almannatryggingakerfa milli aðildarríkjanna og framkvæmdareglugerð (EB) með henni,
nr. 987/2009, sem og öðrum ákvæðum þeirra reglugerða sem eru nauðsynleg til að koma fyrrnefndum meginreglum til framkvæmda með tilliti til tryggðra einstaklinga, málavaxta eða atburða sem áttu sér stað og tímabila sem lokið var fyrir útgönguna.

Reglugerðin tekur til sömu flokka almannatrygginga og rg. (EB) nr. 883/2004, sbr. 3. gr. hennar.
Meginreglan um jafna meðferð sbr. 4. gr. rg. (EB) nr. 883/2004 gildir um þá einstaklinga sem þessi reglugerð tekur til, hvað varðar allar aðstæður sem hafa átt sér stað fyrir þann dag er þessi reglugerð kemur til framkvæmda.
Meginreglan um jafngildi sbr. 5. gr. rg. (EB) nr. 883/2004 gildir með tilliti til bóta eða tekna sem aflað hefur verið sem og málavaxta eða atburða sem átt hafa sér stað í Bretlandi fyrir þann dag er þessi reglugerð kemur til framkvæmda.
Meginreglan um söfnun sbr. 6. gr. rg. (EB) nr. 883/2004 gildir með tilliti til trygginga-, starfs- eða búsetutímabila í Bretlandi fyrir þann dag er þessi reglugerð kemur til framkvæmda.
Reglugerðin gildir með fyrirvara um gildandi almannatryggingasamninga milli Bretlands og eins eða fleiri aðildarríkis sem eru í samræmi við 8. gr. rg. (EB) nr. 883/2004 og 9. gr. rg. (EB) nr. 987/2009.
Reglugerðin gildir með fyrirvara um almannatryggingasamninga milli Bretlands og eins eða fleiri aðildarríkja sem gerðir eru eftir þann dag er sáttmálinn hættir að gilda gagnvart og í Bretlandi og sem taka til tímabila sem liðað hafa fyrir þann dag er þessi reglugerð kemur til framkvæmda svo fremi sem samningarnir hrinda í framkvæmd þeim meginreglum sem kveðið er á um í 1. og 2. mgr. 5. gr. og beita ákvæðunum sem kveðið er á um í 3. mgr. 5. gr. þessarar reglugerðar, og byggjast á meginreglum reglugerðar (EB) nr. 883/2004 og eru í sama anda.