32019R0543

Markmið sem að er stefnt: Markmiðið er aðallega að uppfæra skrá yfir þær kröfur sem gilda um EB-gerðarviðurkenningu í IV. viðauka við tilskipun 2007/46/EB og skrá yfir UN reglur sem skylt er að beita í IV. viðauka við reglugerð 661/2009/EB til samræmis við UN reglugerð Sameinuðu þjóðanna sem nýlega tóku gildi.
Aðdragandi: Með reglugerðinni eru gerðar breytingar á eftirfarandi gerðum:
Tilskipun 2007/46/EB um ramma um viðurkenningu á vélknúnum ökutækjum og eftirvögnum þeirra og á kerfum, íhlutum og aðskildum tæknieiningum sem ætlaðar eru í slík ökutæki.
Í IV. viðauka við tilskipun 2007/46/EB er að finna skrá yfir kröfur fyrir EB-gerðarviðurkenningu ökutækja. Í henni eru bæði reglur Evrópusambandins sem og reglugerðir Sameinuðu þjóðanna. Tafla í II. hluta viðaukans er úrelt og þarfnast uppfærslu.
Einnig þarf að uppfæra I. og III. viðauka við tilskipun 2007/46/EB í samræmi við reglugerð 540/2014/ESB og reglugerð Sameinuðu þjóðanna Nr. 138.
Reglugerð 661/2009/EB um gerðarviðurkenningar að því er varðar vélknúin ökutæki og eftirvagna þeirra og kerfi, íhluti og aðskildar tæknieiningar sem ætlaðar eru í slík ökutæki, með tilliti til almenns öryggis.
Í IV. viðauka við tilskipun 661/2009/EB er að finna skrá yfir reglugerðir efnahagsnefndar Sameinuðu þjóðanna fyrir Evrópu sem skylt er að beita. Þessi skrá þarfnast jafnframt uppfærslu.
Efnisútdráttur: Reglugerðin inniheldur fjögur ákvæði auk tveggja viðauka.
1. gr. – Breytingar eru gerðar á IV. viðauka við reglugerð 661/2009/EB í samræmi við I. viðauka við þessa gerð.
2. gr. – Breytingar eru gerðar á I., III. og IV. viðauka við tilskipun 2007/46/EB í samræmi við II. viðauka við þessa gerð.
3. gr. – Frá 24. apríl 2019 skulu aðildarríkin aðeins samþykkja EB-gerðarviðurkenningar fyrir ný ökutæki varðandi „rafrænan stöðugleikabúnað“ og „vöktunarkerfi fyrir þrýsting í hjólbörðum“ sem eru veittar samkvæmt UN reglum 140 og 141 sem tóku gildi þann 18. september 2018.
4. gr. – Gildistökuákvæði.
I. og II. viðauki.
Umsögn: helstu breytingar, mati á umfangi, og áhrif hér á landi: Ætla má að ákvörðun þessi hafi lítil sem engin áhrif hér á landi þar sem engir framleiðendur ökutækja eru eins og er.
Lagastoð fyrir innleiðingu. gerðar: Gerðin yrði innleidd í reglugerð um gerð og búnað ökutækja nr. 822/2004 með stoð í 60. gr. umferðarlaga nr. 50/1987.
Mat eða tilgreining á kostnaði hins opinbera, sveitarfélaga, atvinnulífs og ALMENNINGS: Enginn kostnaður.
Skörun við starfssvið annarra ráðuneyta: Nei.
Horizontal issues: -Sektir, -Aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.