32019R0856

Almennar reglur um nýsköpunarsjóðinn er að finna í gr. 10a(8) í ETS tilskipuninni, en þar er einnig heimild til að setja þá reglugerð sem hér er til greiningar. Þar er kveðið á um að 450 milljónir losunarheimilda (325 milljónir heimilda sem annars væri úthlutað sem endurgjaldslausum heimildum og 75 milljónir heimilda sem annars væru seldar á uppboði, auk 50 milljónir úr markaðsstöðuleikasjónum) verði settar í sjóðinn. Þar er einnig kveðið á um hverjir geti fengið styrki og skilyrði um framkvæmd styrkveitinga. Framkvæmdarstjórnin á að sjá um að þær heimildir sem renna í sjóðinn séu seldar á uppboði samkvæmt reglum 10(4).gr. í ETS tilskipuninni og á hún að sjá um að söluandvirði heimildanna fari í hendur framkvæmdaraðila sjóðsins.
Reglugerðin setur framkvæmdamarkmið fyrir sjóðinn, tegundir styrkja, reglur um umsóknarferli, verklagsreglur og skilyrði fyrir vali styrkþega, greiðslufyrirkomulag og sjórn sjóðsins. Einnig eru reglur um skýrslugerð, eftirlit, mat, athuganir og upplýsingastefnu sjóðsins.
Markmið sjóðsins eru helst að styðja, í formi styrkja, við:
-verkefni sem sýna miklar tæknilega nýsköpun, ferla eða vörur, sem eru nægilega þróaðar og hafa mikla möguleika á að draga úr losun gróðurhúsalofttegunda.,
-að bjóða fjárhagslegan stuðning við þarfir markaðarins og áhættusnið hæfra verkefna, á sama tíma og að laða að opinberar og einkareknar auðlindir.
Sjóðurinn getur einnig stutt blönduð verkefni sem studd eru af öðrum verkefnum Evrópusambandins.
Framkvæmdaraðilum verður boðið upp á að sækja um styrki úr nýsköpunarsjóðnum með opnum auglýsingum fyrir tillögur sem framkvæmdarstjórnin sér um. (open calls).
Valið er úr umsóknum á grundvelli eftirfarandi þátta:
- skilvirkni í því að draga úr losun gróðurhúsalofttegunda
- þætti nýsköpunar í verkefni
- stöðu verkefnis í ljósi áætlanagerðar, viðskiptamódels, fjárhags og lagaumgjarðar.
- tækni- og markaðsmöguleikar fyrir almenna notkun lausnarinnar
- skilvirkni hvað varðar kostnað, losun gróðurhúsalofttegunda og orkunotkun.
- landfræðileg dreifing verkefna.
Framkvæmdarstjórnin verður að ráðfæra sig við aðildarríkin áður en auglýsingar eru gefnar út, um forval styrkþega, um styrki til blandaðra verkefna. Aðildarríkin eiga einnig að aðstoða framkvæmdarstjórnina við stefnu sjóðsins og vandamál sem koma upp um framkvæmd mála hjá sjóðnum.