Ákvörðun nr. H9 um framlengingu á frestum til að leggja fram kröfur og greiða endurkröfur - 32020D0807(01)

Í 67. og 70. gr. reglugerðar reglugerðar Evrópuþingsins og ráðsins (EB) nr. 987/2009 (framkvæmdareglugerðin) er kveðið á um tiltekna fresti til að leggja fram kröfur og greiða endukröfur milli ríkjanna vegna heilbrigðisþjónustu og vegna atvinnuleysisbóta sbr. einnig 35. og 65. gr. 8. mgr. reglugerðar Evrópuþingsins og ráðsins (EB) nr. 883/2004 (grunnreglugerðin)

Skv. 35. gr. grunnreglugerðarinnar skal endurgreiða að fullu þá aðstoð sem stofnun í einu aðildarríki veitir samkvæmt þessum kafla fyrir hönd stofnunar í öðru aðildarríki.
Skv. 65. gr. grunnreglugerðarinnar skal þar til bær stofnun endurgreiða bætur sem stofnun á búsetustað hefur greitt.
COVID-19 farsóttin hefur hindrað eðlilega verkferla í stofnunum aðildarríkjanna að verulegu leiti og við þær sérstöku aðstæður hefur venjuleg framkvæmd kröfuferla og endurgreiðslna ekki verið framkvæmanleg.

Með vísan til þess tók framkvæmdaráðið þá ákvörðun að framlengja alla fresti vegna framlagningar og uppgjörs á kröfum sem vísað er til í 67. og70. gr. framkvæmdareglugerðarinnar sem og í ákvörðun nr. S9 á tímabilinu 1. febrúar 2020 til 31. desember 2020 um sex mánuði.

Þar sem að þróun mála var talin ófyrirséð var tekið fram að áfram verði fylgst með stöðunni og reynist það nauðsynlegt geti komið til þess að ákvörðuninni verði breytt. Það hefur þegar gerst þar sem að frestirnir voru framlengdir á ný með ákvörðunum framkvæmdaráðsins nr. H11 og nr. S11 frá 9. desember 2020 (óbirtar).