32020D1168

Markmið sem að er stefnt: Breyta á ákvörðun framkvæmdastjórnarinnar (ESB) 2016/587. Með ákvörðuninni er tekin afstaða til þess hvort tiltekin tækni uppfylli skilyrði til að teljast tækni sem sé til þess fallin að draga úr losun gróðurhúsalofttegunda. Breytingin er þannig að ný tækni sem uppfyllir þessi skilyrði og er notuð í nýtnum ytri ljósabúnaði ökutækja með ljósdíóðum nái einnig yfir fólksbifreiðar sem geta gengið á ákveðnum öðrum orkugjöfum.
Aðdragandi: Þann 19. nóvember 2019 báðu nokkrir bílaframleiðendur um breytingu á ákvörðun Framkvæmdastjórnarinnar (ESB) 2016/587, skv. Heimild í 12. gr. a. reglugerðar nr. 725/2011. Tilgangurinn var að ný tækni sem notuð er í nýtnum ytri ljósabúnaði ökutækja með ljósdíóðum og er viðurkennd sem nýsköpun sem er til þess fallin til að draga úr losun koltvísýrings frá fólksbifreiðum hljóti sömu viðurkenningu í fólksbifreiðum sem geta gengið á ákveðnum öðrum orkugjöfum.
Umsækjendurnir óskuðu sérstaklega eftir því að ákvörðun (ESB) 2016/587 myndi ná yfir nýtinn ytri ljósabúnað ökutækja með ljósdíóðum í fólksbifreiðum sem geta gengið fyrir fljótandi gasi, liquefied petroleum gas, LPG, þjöppuðu náttúrulegu gasi, compressed natural gas, CNG og etanóli (E85). Aðferð við prófanir yrði aðlöguð í samræmi við það.
Efnisútdráttur: Framkvæmdastjórnin mat beiðnina í samræmi við 11. gr. reglugerðar (ESB) 2019/631, reglugerð (ESB) nr. 725/2011 sem og í samræmi við tæknilegar leiðbeiningar fyrir undirbúning að umsókn um samþykki á nýrri tækni í samræmi við reglugerð (EB) nr. 443/2009 og í samræmi við reglugerð (ESB) nr. 520/2011. Framkvæmdastjórninni taldi beiðnina réttlætanlega vegna aukningar á notkun á LPG og CNG í nýjum fólksbifreiðum og því í lagi að skýra að koltvísýringslosun frá notkun nýrrar tækni sem notuð er í nýtnum ytri ljósabúnaði ökutækja með ljósdíóðum í ökutækjum sem ganga fyrir slíkri orku væri tekið inn í sparnað á koltvísýringslosun vegna nýsköpunartækni.
Prófunartæknin í viðauka við ákvörðun (ESB) 2016/587 er metin viðeigandi til að ákvarða sparnað á koltvísýringslosun vegna LED ljósa í fólksbifreiðum með LPG og CNG sem orkugjafa.
Þar sem mjög lítið er til af E85 á markaðnum er ekki viðeigandi að aðgreina það eldsneyti frá bensíni til að ákvarða koltvísýringssparnað.
Umsögn: helstu breytingar, mati á umfangi, og áhrif hér á landi: Gerðin hefur þýðingu fyrir framleiðendur ökutækja. Ekki er starfandi framleiðandi ökutækis á Íslandi og því hefur gerðin ekki áhrif í dag hér á landi. Gera þarf breytingu á ökutækjaskrá til þess að hægt sé að skrá umræddan CO2 sparnað ásamt því að geta tekið saman upplýsingar þessu tengdu úr ökutækjaskránni til gagnaöflunar fyrir ESB.
Lagastoð fyrir innleiðingu gerðar: a-liður 4. mgr. 69. gr. umferðarlaga nr. 77/2019. Innleiðing með breytingu á reglugerð um gerð og búnað ökutækja, nr. 822/2004.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Óverulegur
Skörun við starfssvið annarra ráðuneyta: Nei.
Tilgreining á hagsmunaaðilum: Bílaumboð og bílainnflytjendur.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.