32020D1222

Markmið sem að er stefnt: Að viðurkenna orkusparandi ljósdíóður til CO2 lækkunar með því að taka tillit til þeirra í CO2 mælingum í nýju evrópsku aksturslotunni (NEDC).
Aðdragandi: Þann 19. desember 2019 sendu nokkrir framleiðendur inn sameiginlega umsókn um samþykki á notkun skilvirkum LED ljósum sem nýsköpunartækni til að minnka koltvísýringslosun brunahreyfla í léttum atvinnuökutækjum sem ganga fyrir bensíni, dísel og ákveðnu öðru eldsneyti. Umsóknin var byggð á heimildum í 11. gr. reglugerðar 2019/631/ESB.
Efnisútdráttur: Búið er að meta umsóknina í samræmi við 11. gr. reglugerðar 2019/631/ESB, reglugerð 427/2014/ESB og í samræmi við tæknilegar leiðbeiningar vegna undirbúnings fyrir umsókn um samþykki á nýsköpunartækni í samræmi við reglugerð nr. 443/2009/EB. Umsókninni fylgdu einnig sannprófunarskýrsla óháðs aðila með umsóknunum í samræmi við 3. mgr. 11. gr. reglugerðar (ESB) nr. 2019/631.
Umsóknin er um að metinn sé koltvísýringssparnaður sem er ekki finnst með þeim aðferðum sem heimilar eru í samræmi við NEDC eins og sú aðferð er skilgreind í reglugerð (ESB) nr. 692/2008.
Notkun LED ljósa til að auka skilvirka notkun ljósa utan á ökutæki á rafmagni hefur verið samþykkt sem nýsköpunartækni fyrir ákveðin ökutæki. Það var gert með ákvörðunum 2014/128/ESB, 2015/206/ESB, 2016/160/ESB og 2016/587/ESB. Með ákvörðununum var tæknin samþykkt sem nýsköpun sem er til þess fallin að minnka losun koltvísýrings en jafnframt þess getið að sá sparnaður finnist ekki með NEDC prófinu.
Byggt á fyrri reynslu um mat á fyrri umsóknum hefur það sýnt sig að þessi notkun á LED á þessa vegu fellur undir 11. gr. og leiðir til minni koltvísýringslosun.
Þessi umsókn er einnig um nýja tegund af nýsköpunartækni sem ekki hefur verið fjallað um áður í fyrri ákvörðunum. Með öðrum orðum að nota ljósdíóður í beygjuljós, hreyfanleg aðalljós, breiddarljós og hliðarljós. Þar sem ekki er kveikt á þessum ljósum í prófunum undir NEDC prófinu er viðeigandi að samþykkja notkun LED ljósa í þessum ljósum. Í umsókninni er lögð til prófunartækni til að ákvarða koltvísýringssparnað við notkun LED ljósa í framangreindum tilgangi í léttum atvinnuökutækjum sem eru með brunahreyfil og geta gengið á bensíni, dísel, LPG, CNG eða E85. Þar sem erfitt er að nálgast E85 á Sambandsmarkaði er ekki réttlætanlegt að aðgreina þetta eldsneyti frá bensíni í prófunartækninni.
Það er á ábyrgð gerðarviðurkenningaryfirvalda að sannreyna að skilyrði sem fram koma í þessari ákvörðun fyrir því að staðfesta að nýsköpunartæknin valdi koltvísýringssparnaði eru uppfyllt.
Umsögn: helstu breytingar, mati á umfangi, og áhrif hér á landi: Mjög takmörkuð. Ákvörðun þessi hefur í för með sér lækkun á CO2 gildum ákveðinna ökutækja séu þau búin þessum orkusparandi ljósdíóðum. Tryggja þarf að í ökutækjaskrá sé gert ráð fyrir skráningu á CO2 sparnaði og að hann hafi tilætluð áhrif til lækkunar á heildar CO2 gildi viðkomandi ökutækis.
Lagastoð fyrir innleiðingu gerðar: Lagastoðin er 69. gr. umferðarlaga nr. 77/2019. Innleiðing færi fram með breytingu á reglugerð um gerð og búnað ökutækja, nr. 822/2004..
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Óverulegur
Skörun við starfssvið annarra ráðuneyta: Hefur áhrif til lækkunar á innflutningsgjöldum á ökutækjum þar sem það tengist CO2 losun. Einnig hefur þetta áhrif til lækkunar á bifreiðagjöldum ökutækja þar sem notast er við CO2 losun.
Tilgreining á hagsmunaaðilum: Ökutækjainnflytjendur. Skatturinn.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.