32020D1339

Í REGLUGERÐ EVRÓPUÞINGSINS OG RÁÐSINS (EB) nr. 443/2009 frá 23. apríl 2009 um að setja staðla um mengunarvarnargetu nýrra fólksbifreiða sem hluta af samþættri stefnu Bandalagsins um að draga úr losun koltvísýrings frá léttum ökutækjum setur Evrópusambandið fram markmið sitt um að draga úr losun gróðurhúsalofttegunda frá léttum ökutækjum sem notuð eru í atvinnuskyni, þ.e.a.s. ökutækjum sem skráð eru fyrir átta farþega eða færri.
Þar eru settir staðlar um mengunarvarnargetu nýrra fólksbifreiða sem hluta af samþættri stefnu Sambandsins um að draga úr losun koltvísýrings frá léttum ökutækjum og í framkvæmdarreglugerð framkvæmdastjórnarinnar (ESB) nr. 725/2011 er komið á aðferð til að viðurkenna og votta nýsköpunartækni sem dregur úr losun koltvísýrings frá slíkum nýjum fólksbifreiðum.
Í þessum tilgangi er með ákvæðum í 12 gr. reglugerðarinnar veitt heimild til þess að framkvæmdastjórnin votti tiltekinn tækjabúnað þannig að notkun hans dragi úr losun gróðurhúsalofttegunda. Þetta gerir framkvæmdastjórnin með sérstakri ákvörðun í hvert sinn um tiltekinn tækjabúnað. Í staðinn fá framleiðendur heimild til að setja í sérstakt vottorða að bifreiðin losi allt að 7 gr. minna af CO2. Hún er þannig vistvænni, kolefnisfótspor bílsins frá upphafi til enda framleiðslu verður minna og þar af leiðandi fá framleiðendur að framvísa lægra CO2 gildi á COC vottorði.
Hér eru það Toyota Motor Europe NV/SA, Opel Automobile GmbH-PSA, FCA Italy S.p.A., Automobiles Citroën, Automobiles Peugeot, PSA Automobiles SA, Audi AG, Ford-Werke GmbH, Jaguar Land Rover Ltd., Hyundai Motor Europe Technical Center GmbH, Škoda Auto a.s., BMW AG, Renault SA, Honda Motor Europe Ltd, Volkswagen AG and Volkswagen AG Nutzfahrzeuge sem fá viðurkenningu á því að sérstök díóðulýsing sem notuð er í ljósum utan á bifreiðum uppfylli skilyrði til að teljast vera orkusparandi. Ákvörðunin nær til sprengihreyfla sem eru knúnir bensínu og dísilolíu auk tiltekinna tengil-tvinn bifreiða. Nokkru eftir að framangreindir framleiðendur lögðu fram umsóknir sínar lagði Renault SA fram svipaða umsókn sem metin var samhliða.
Umsókn fyrirtækjanna var metin í samræmi við reglugerð 2019/631, reglugerð 427/2014 og leiðbeiningar sem nota á við gerð umsóknar um ívilnun eins og hér er greint frá. Niðurstaðan var sú að sú nýja tækni sem hér er til meðferðar uppfyllir skilyrði reglugerðar 443/2009 og reglugerðar 510/2011 sem og reglugerðar 2019/631 til að verða viðurkennd sem orkusparandi nýsköpunartækni.