ÁKVÖRÐUN FRAMKVÆMDASTJÓRNARINNAR (ESB) 2020/2166 frá 17. desember 2020 um ákvörðun uppboðshluta aðildarríkjanna á tímabilinu 2021-2030 í viðskiptakerfi ESB með losunarheimildir. - 32020D2166

Þessi ákvörðun er gerð með hliðsjón af tilskipun Evrópuþingsins og ráðsins 2003/87/EB frá 13. október 2003 um að koma á kerfi fyrir viðskipti með losunarheimildir gróðurhúsalofttegunda innan sambandsins og um breytingu á tilskipun ráðsins 96/61/EB, einkum og sér í lagi 3. mgr. 3. gr. d og 2. mgr. 10. gr. hennar.

Tilskipun (ESB) 2018/410 sem breytti reglum um uppboð á losunarheimildum í tilskipun 2003/87/EB. Í a-lið 2. mgr. 10. gr. tilskipunarinnar kemur fram að 90% af heildarfjölda losunarheimilda sem gefnar eru út samkvæmt III. kafla tilskipunar 2003/87/EB („almennar losunarheimildir“) sem boðnar eru upp er dreift hlutfallslega milli aðildarríkja sem samsvarar hlutdeild hlutaðeigandi aðildarríkis af sannprófaðri losun í kerfi Bandalagsins árið 2005 eða meðaltalinu fyrir tímabilið 2005 til 2007, hvort heldur er hærra. Í b-lið sömu mgr. segir svo að þau 10% sem eftir eru skal skipt milli tiltekinna aðildarríkja í því skyni að efla samstöðu, vöxt og gagnkvæm tengsl innan Sambandsins og auka með því fjölda losunarheimilda sem þau aðildarríki bjóða upp skv. a-lið um þá hundraðshluta sem eru tilgreindir í viðauka IIa tilskipunar 2003/87/EB.

Taka þarf tillit til úrsagnar Stóra- Bretlands og Norður-Írlands úr ESB þegar kemur að uppboðshlutdeild aðildarríkjanna.

Hlutdeild aðildarríkjanna að almennum losunarheimildum samkvæmt a-lið 2. mgr. 10. gr. tilskipunar 2003/87/EB á tímabilinu 2021-2030 er ákvörðuð á grundvelli sömu gagna og notuð voru fyrir tímabilið 2013-2020, með undantekningu frá leiðréttingum sem gerðar hafa verið á sannreyndri losun aðildarríkjanna fyrir árið 2005 eða meðaltali tímabilsins frá 2005 til 2007, skráðar í skrá Sambandsins og aðgengilegar í viðskiptaskrá Evrópusambandsins (EUTL) frá 30. júní 2020. Nýjustu gögnin sem skráð eru í skrá sambandsins og fáanleg í EUTL eru að sama skapi notuð til að ákvarða uppboðshlutdeild aðildarríkjanna af almennum heimildum.

Hægt er að leiðrétta árlega stafesta losun fyrir flugrekendur eða rekstraraðila afturvirkt skv. 6. mgr. 35. gr. reglugerðar framkvæmdastjórnarinnar (ESB) nr. 389/2013 um skráningarkerfi til að tryggja að farið sé að 14. og 15. gr. tilskipunar 2003/87/EB. Síðan 2012 hafa slíkar leiðréttingar á sannreyndri losun verið gerðar á tímabilinu 2005 til 2007 þar sem nákvæmari gögn voru skráð af ETS-rekstraraðilum ESB í skránni og eru nú aðgengileg í EUTL.

Samkvæmt 3. mgr. 3. gr. d í tilskipun 2003/87/EB ætti fjöldi losunarheimilda sem gefnar eru út samkvæmt II. kafla tilskipunarinnar („flugheimildir“) að vera boðnar upp af hverju aðildarríki í réttu hlutfalli við hlutdeild þess af heildarútreikningi flugheimilda fyrir öll aðildarríki fyrir viðkomandi viðmiðunarár. Fyrir tímabilið 2021 til 2030 er viðkomandi viðmiðunarár 2018 og viðeigandi gildissvið er það sem sett var með reglugerð Evrópuþingsins og ráðsins 2017/2392/EB. Gögn um losun frá flugi fyrir árið 2018 komu frá Eurocontrol og var Íslandi send drög að útreikningi áður en til ákvörðunar kom.

Ákvörðunin er því sú að á tímabilinu frá 2021 til 2030 er uppboðshlutdeild aðildarríkjanna skv. 3. mgr. 3. gr. d og 2. mgr. 10. gr. tilskipunar 2003/87/EB sú sem um getur í viðaukunum við ákvörðun þessa. Uppboðshlutdeild aðildarríkjanna af losunarheimildunum sem gefnar eru út samkvæmt III. kafla tilskipunar 2003/87/EB koma fram í viðauka I (staðbundin starfsemi) og uppboðshlutdeild aðildarríkjanna af losunarheimildunum sem gefnar eru út samkvæmt II. kafla tilskipunar 2003/87/EB (flugsamgöngur) koma fram í viðauka II.

Hlutdeild Íslands er eftirfarandi:

Kafli III, staðbundin starfsemi: 0,043450983 %

Kafli II, flugsamgöngur: 0,912691877 %