32020L0365

Í II. viðauka við tilskipun Evrópuþingsins og ráðsins 2011/65/ESB er listi yfir efni sem raf- og rafeindabúnaður má ekki innihalda skv. 1. mgr. 4. gr. tilskipunarinnar. Í III. viðauka tilskipunarinnar er listi yfir notkun sem er undanþegin þessum takmörkunum.

Blý er á meðal bönnuðu efnanna í II. viðauka en í 41. lið III. viðauka er veitt undanþága sem leyfir notkun blýs í lóðningarefni og húðun á tengjum á rafmagns- og rafeindaíhlutum og húðun á prentplötum sem eru notaðar í kveikjueiningar og önnur rafmagns- og rafeindastjórnkerfi hreyfils sem þurfa af tæknilegum ástæðum að festast beint á vélar handverkfæra með brunahreyfil, sveifarhús þeirra eða strokk.

Upprunalegur gildistími undanþágunnar fyrir vöruflokka 1 til 7 og 10 var til 31. desember 2018 en 30. júní 2017, innan tilgreindra tímamarka, barst framkvæmdastjórninni beiðni um endurnýjun undanþágunnar fyrir vöruflokka 6 og 11 og í samræmi við ákvæði tilskipunarinnar gildir undanþágan þar til ákvörðun hefur verið tekin um afgreiðslu endurnýjunarinnar.

Niðurstaða framkvæmdastjórnarinnar er að áreiðanleiki staðgöngukosta hafi ekki verið staðfestur og því sé ástæða til að framlengja gildistíma undanþágunnar fyrir vöruflokka 1 til 7, 10 og 11 þar til 2 árum eftir gildistöku tilskipunarinnar. Til þess að auka skýrleika er að auki bætt í viðaukann upplýsingum um gildistíma undanþágunnar fyrir vöruflokka 8 og 9 í samræmi við ákvæði 2. mgr. 5. gr. tilskipunar 2011/65/ESB.

Tilskipunin tekur gildi á tuttugasta degi eftir birtingu hennar í stjórnartíðindum Evrópusambandsins.