32020R0570

Markmið sem að er stefnt: Um er að ræða framselda gerð framkvæmdastjórnarinnar um breytingu á reglugerð (ESB) nr. 748/2012 að því er varðar samræmingu reglna um áframhaldandi lofthæfi loftfara og framleiðsluvara, hluta og búnaðar til flugs skv. reglugerð (ESB) nr. 1321/2014. Meginmarkmið með gerðinni er að breyta og samræma ákvæði reglugerðar (ESB) nr. 748/2012 við nýja skipan viðaukanna við reglugerð (ESB) nr. 1321/2014.
Efnisútdráttur: Reglugerð (ESB) nr. 1321/2014 hefur verið breytt til að koma á fót sveigjanlegri reglum um viðhald léttra loftfara og til að bæta öryggisáhættustjórnun fyrir fyrirtæki sem annast stjórnun á áframhaldandi lofthæfi loftfara sem eru rekin af handhöfum flugrekandaskírteina.
Með tilliti til framangreindra breytinga er nú mælt fyrir um ráðstafanir sem tryggja áframhaldandi lofthæfi, sem áður voru í 1. viðauka (Part-M) við reglugerð (ESB) nr. 1321/2014, í 1. viðauka (Part-M), viðauka Vb (ML-hluta), viðauka Vc (Part-CAMO) og viðauka Vd (Part-CAO) við reglugerðina, í samræmi við tegund og notkun loftfars eins og við á.
Þar sem ákvæði um lofthæfiskírteini, samþykki fyrir hönnun viðgerða og flugleyfi sem mælt er fyrir um í 1. viðauka (Part 21) við reglugerð (ESB) nr. 748/2012 vísa aðeins til 1. viðauka (Part-M) við reglugerð (ESB) nr. 1321/2014, þarf að breyta reglugerð (ESB) nr. 748/2012 til samræmis við framangreint, þ.e. lagfæra tilvísanir.
Þá eru kröfur um koltvísýringslosun flugvéla í reglugerðin einnig leiðréttar, þær samræmdar og gerðar skýrari.
Umsögn: helstu breytingar, mati á umfangi, og áhrif hér á landi: Reglugerðin hefur ekki mikil áhrif í för með sér fyrir starfsemi Samgöngustofu þar sem hún á að mestu við hönnunar- og framleiðslufyrirtæki.
Lagastoð fyrir innleiðingar gerðar: Lagastoðin er 7. mgr. 28. gr., sbr. 145. gr laga um loftferðir nr. 60/1998, með síðari breytingum.
Rétt væri að reglugerðin yrði innleidd með breytingu á reglugerð nr. 380/2013 um lofthæfi- og umhverfisvottun loftfara og tilheyrandi framleiðsluvara, hluta og búnaðar og vottun hönnunar- og framleiðslufyrirtækja.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Nei
Tilgreining á hagsmunaaðilum: Fyrst og fremst hönnunar- og framleiðslufyrirtæki.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.