32020R0699

Með reglugerð ráðsins (EB) nr. 2157/2001 um stofnsamþykktir fyrir evrópsk félög er félögum, sem starfa í fleiri en einu aðildarríki Evrópusambandsins, gefinn kostur á því að stofna eitt félag samkvæmt ákveðnum meginreglum sem kveðið er á um í reglugerðinni í stað þess að þurfa að starfa á grundvelli reglna í mismunandi aðildarríkjum þar sem félögin hafa útibú. Í reglugerðinni er m.a. að finna þá meginreglu að félagsfundi skuli halda innan sex mánaða frá lokum fjárhagsárs félagsins. Reglugerð (EB) nr. 2157/2001 var innleidd í íslenskan rétt með lögum nr. 26/2004 um Evrópufélög.

Með reglugerð ráðsins (EB) nr. 1435/2003 um samþykktir fyrir evrópsk samvinnufélög er samvinnufélögum, sem starfa vilja í fleiri en einu ríki á Evrópska efnahagssvæðinu, heimilað að stofna evrópskt samvinnufélag samkvæmt ákveðnum meginreglum sem kveðið er á um í reglugerðinni og tilskipun um aðild starfsmanna að samvinnufélögum. Í reglugerðinni er m.a. að finna þá meginreglu að félagsfundi skuli halda innan sex mánaða frá lokum fjárhagsárs félagsins. Reglugerð (EB) nr. 1435/2003 var innleidd í íslenskan rétt með lögum nr. 92/2006 um evrópsk samvinnufélög.

Reglugerð ráðsins (EU) 2020/699 er frestur til að halda félagsfundi í Evrópufélögum og evrópskum samvinnufélögum lengdur úr 6 mánuðum í 12 mánuði á árinu 2020 en þó skal halda félagsfund eigi síðar en 31. desember 2020. Um er að ræða bráðabirgðaráðstöfun vegna COVID-19.