32020R0723

Markmið sem að er stefnt: Meginmarkmiðið með reglugerðinni er að samræma núverandi lagaumhverfi við reglugerð (ESB) 2018/1139. Með gerðinni eru sett fram ítarleg ákvæði um skilyrði fyrir viðurkenningu flugmannsskírteina og tengdra áritana, réttinda og vottorða sem og læknisvottorða sem gefin eru út í samræmi við lög landa utan EES-svæðisins.
Með gerðinni er 8. gr. og III. viðauka við reglugerð (ESB) 1178/2011, um viðurkenningu skírteina frá þriðju löndum, eytt. Efnislegt innihald ákvæðanna er fært yfir í framseldar gerðir og þau uppfærð þannig að þau taka einnig til viðurkenninga á skírteinum vegna sviffluga og loftbelgja.
Efnisútdráttur: Í þessari reglugerð eru settar fram ítarlegar reglur um skilyrði fyrir viðurkenningu flugmannsskírteina og tengdra áritana, réttinda og vottorða sem og læknisvottorða sem gefin eru út í samræmi við lög þriðju landa.
Einnig eru gerðar breytingar á reglugerð (ESB) 1178/2011, tilteknum ákvæðum er eytt þar sem rétt þykir að færa þau yfir í aðrar framseldar gerðir og uppfæra þannig að þau taki einnig til viðurkenninga á skírteinum vegna sviffluga og loftbelgja.
Ákvæði sem snúa að þjálfunarfyrirtækjum sem annast þjálfun vegna flugmannsskírteina, þó ekki í atvinnuskyni, eru einfölduð og þau uppfærð. Þjálfunarfyrirtækjum er þannig heimilt að meta skírteini frá þriðju löndum þegar sótt er um flugskírteini samkvæmt lagaramma Evrópusambandsins.
Umsögn: helstu breytingar, mati á umfangi, og áhrif hér á landi: Engar verulegar efnislegar breytingar koma fram með gerðinni. Helsta breytingin er að þjálfunarfyrirtæki (e. DTO) fá með gerðinni heimild til að útbúa þjálfunaráætlun vegna umbreytingarskírteina. Breytingarnar eru ívilnandi fyrir þjálfunarfyrirtæki.
Lagastoð fyrir innleiðingu gerðar: Lagastoðin er 31. gr., 32. gr. og 145. gr. laga um loftferðir nr. 60/1998.
Rétt væri að reglugerðin yrði innleidd með breytingu á reglugerð nr. 180/2014 um áhöfn í almenningsflugi.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Gerðin er byggð á reglugerð (ESB) 2018/1139 sem hefur ekki verið tekin upp í EES-samninginn og ekki innleidd á Íslandi.