Útdráttur
Reglugerð Evrópuþingsins og ráðsins (ESB) 2020/740 frá 25. maí 2020 um merkingu hjólbarða að því er varðar eldsneytisnýtingu og aðrar kennistæðir, um breytingu á reglugerð (ESB) 2017/1369 og um niðurfellingu reglugerðar (EB) nr. 1222/2009.
Nánari efnisumfjöllun
Framkvæmdastjórnin hefur endurskoðað reglugerð (EB) nr. 1222/2009 og greint nauðsyn þess að uppfæra ákvæði hennar til að bæta skilvirkni hennar. Það þótti rétt að koma með nýja reglugerð til að skýra og uppfæra sum ákvæði hennar með teknu tilliti til tækniframfara hvað hjólbarða varðar.Hjólbarðar einkennast af nokkrum kennistærðum sem tengjast innbyrðis. Ef ein kennistærð eins og snúningsmótstaða er bætt, kann það að hafa slæm áhrif á aðrar kennistærðir eins og veggrip á blautum vegi, á meðan aukið veggrip á blautum vegi getur haft neikvæð áhrif á ytri snúningshraða. Hvetja skal hjólbarðaframleiðendur til að bæta allar kennistærðir umfram þau gæði þegar þau hafa náðst. Með því að bæta merkingar hjólbarða gerir það neytendum kleift að fá betri upplýsingar varðandi eldsneytisnýtingu, öryggi og hávaða.Orkumerkingin sem kveðið er á um í reglugerð (ESB) nr. 2017/1369 notar kvarðann A til G sem er viðurkennd af yfir 85% neytendum Sambandsins sem skýrt og gegnsætt upplýsingartæki og hefur reynst árangursríkt í að stuðla að orkunýtnari vörum. Merki fyrir hjólbarða ætti því að vera af sömu hönnun að því marki sem unnt er en taka til greina sérkenni kennistærða hjólbarða.Hingað til hafa C1 og C2 hjólbarðar einungis þurft að hafa miða en nú munu C3 hjólbarðar einnig þurfa að hafa miða.Birting merkimiðans á hjólbarðanum á sölustað og í tæknilegu kynningarefni, ætti að tryggja að dreifingaraðilar og hugsanlegir endanlegir notendur fái samhæfðar upplýsingar um kennistærðir hjólbarðans á þeim tíma sem ákvörðun um kaup eru tekin.Sumir endanlegir notendur taka ákvarðanir un kaup áður en þeir koma á sölustað eða kaupa hjólbarða með póstpöntun eða á netinu. Til að tryggja að þessir endanlegu notendur geti einnig tekið upplýst val á grundvelli samhæfðra upplýsinga um meðal annars eldsneytisnýtni, veggrip og snúningshávaða þá ætti merkimiðinn að koma fram í öllu tæknilegu kynningarefni og sjónrænum auglýsingum fyrir ákveðnar tegundir hjólbarða, þar á meðal þar sem slíkt efni er gert aðgengilegt á netinu.Þessar upplýsingar ættu að koma fram í öllu tæknilegu kynningarefni, til dæmis á vefsíðum birgja, en ætti ekki að vera krafa í sjónrænum auglýsingum. Þá er 5. gr. ný grein sem fjallar um skyldur birgja í sambandi við EPREL gagnagrunninn. Jafnframt er 8. gr. ný viðbót sem fjallar um skyldur hýsingarþjónustu og skyldur þeirra að birta orkumerkingar og vöruupplýsingablöð.Reglugerðin verður sett með stoð í lögum nr. 72/1994 um merkingar og upplýsingaskyldu varðandi orkunotkun heimilistækja o.fl., með síðari breytingum.