Nýfæði - 32020R0917

Tilkynnt hefur verið um áætlaða markaðssetningu innan Sambandsins á seyði af kaffilaufum af tegundunum Coffea arabica L. og/eða Coffea canephora Pierre ex A. Froehner sem hefðbundnu fæði frá þriðja ríki í samræmi við 14. gr. reglugerðar (ESB) 2015/2283. Sótt var um leyfi til að nota afurðirnar sem slíkar og sem innihaldsefni í aðra drykki fyrir almenna neytendur. Samkvæmt meðfylgjandi gögnum umsækjenda var sýnt fram á að seyði fyrir af kaffilaufum af tegundunum Coffea arabica L. og/eða Coffea canephora Pierre ex A. Froehner er saga um örugga notkun í Afríku, Asíu og Norður Ameríku.

Framkvæmdastjórnin leitaði álits Matvælaöryggisstofnunarinnar (EFSA) varðandi öryggi þessara þessara matvæla sem skilaði áliti. Í áliti sýnu bendir Matvælaöryggisstofnunin á að kaffilauf Coffea arabica innihaldi Epigallocatechin gallate (EGCG) og að því geti seyði af laufunum einnig innihaldið EGCG. Því leggur EFSA til hámarksgildi fyrir EGCG sem er 700 mg of EGCG í lítra af seyði. Þetta hámarksgildi verður því hluti af hreinleikakröfum fyrir seyðið.

Umsækjandi sótti um leyfi til að nota seyðið einnig til íblöndunar í aðra drykki en hefur ekki getað sýnt framá með gildum gögnum að saga um örugga notkun fyrir slíkt sé staðfest. Framkvæmdastjórnin veitir því í reglugerð þessari eingöngu leyfi fyrir markaðssetningu seyðisins til notkunar sem slíks en ekki til íblöndunar í aðra drykki.

Framkvæmdastjórnin veitir því leyfi fyrir þessari notkun, með breytingu á lista Sambandsins yfir leyfilegt nýfæði.

Viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.