Reglugerð um framkvæmd rannsóknar á upplýsinga- og fjarskiptatækninotkun einstaklinga og heimila (ICT-HH) - 32020R1013

Reglugerðin snýr að úrtaksrannsókn á upplýsinga- og fjarskiptatækninotkun einstaklinga og heimila sem Ísland hefur framkvæmt (með hléum) frá árinu 2004. Um er að ræða smávægilegar breytingar á framkvæmd rannsóknarinnar sem snúa helst að því að nú verða innleiddar samræmdar breytur félagsmálatölfræðinnar í gagnasafn ICT-HH. Því er frekar um ávinning að ræða þar sem hægt er að beita samræmdum aðferðum við gerð þessara breyta í öllum úrtaksrannsóknum í félagsmálatölfræði. Enn fremur er innleiddur SIMS staðallinn fyrir lýsigagnagerð í ICT-HH, rétt eins og í öðrum afurðum félagsmálatölfræði. Það eru mikil framför þar sem fyrra viðmót gæðaskýrslna ICT-HH var afar sérstætt og mjög ólíkt öðrum gæðaskýrslum í opinberri félagsmálatölfræði. Mikill ávinningur er af 2. málsgrein 7. greinar þar sem fjallað er um tilreiknunaraðferðir. Þar er sérstaklega tekið fram að frekar skuli beita aðferðum sem taka mið af villuliðum þegar tilreiknun er framkvæmd, frekar en að tilreikna eitt stakt gildi. Þá er einnig mikill ávinningur sá að nú eru sömu breytiheiti notuð ár eftir ár, í stað þess að breyta þeim milli ára eða að nota sömu breytuheiti á mismunandi árum fyrir mismunandi upplýsingar. Með þeim skilgreiningum sem má finna í viðauka við reglugerðina er tryggt að breytuheiti haldast stöðug frá ári til árs, sem aftur gefur Hagstofunni möguleika á að auka sjálfvirknivæðingu í úrvinnslu og greiningu gagna, sem og skilum þeirra til Eurostat.