32020R1058

Markmið sem að er stefnt: Um er að ræða framkvæmdareglugerð framkvæmdastjórnarinnar um breytingu á reglugerð (ESB) 2019/945. Verið er að innleiða tvö ný ómönnuð loftfarskerfi, e. unmanned aircraft systems. Ómannað loftfarskerfi er kerfi sem snýst um starfrækslu ómannaðra loftfara. Kerfið má skilgreina sem reglur um loftfarið sjálft, farm þess, samskiptatækni, stjórnenda o.fl. Reglurnar eru bæði reglur um tæknilega útfærslu og skilgreiningar, reglur um samskipti og hegðun auk annars sem nauðsynlegt er. Markmiðið með gerðinni er að setja fram tæknilegar kröfur fyrir loftfarskerfin (UAS). Kröfurnar til slíkra kerfa eru mismunandi eftir því hver gerð loftfarsins er, til hvers það er ætlað og miðast við mismunandi áhættu.
Aðdragandi: Ómönnuð loftfarskerfi (UAS), sem hafa minnstu áhættu í för með sér og þar sem nægjanlegt að rekstraraðili leggi fram yfirlýsingu í stað þess að fá formlegt leyfi eins og heimilað er í 1. viðbæti við viðauka I við reglugerð (ESB) 2019/947, falla ekki undir staðlaðar reglufylgniaðferðir fyrir flug.
Því er nauðsynlegt að setja sérstakar reglur fyrir slík kerfi sem samrýmast áhættunni sem stafar af þeim.
Með þessari gerð eru settar fram kröfur fyrir tvö ný UAS-loftfarskerfi fyrir ómönnuð loftför sem í opnum flokki. Kröfurnar eru mismunandi og miðast við mismunandi áhættu.
Vegna þessara breytinga þarf að breyta II. kafla við reglugerð (ESB) 2019/945, um tæknilegar kröfur, þannig að kaflinn nái einnig yfir þessi tvö nýju loftfarskerfi.
Efnisútdráttur: Með þessari gerð eru gerðar breytingar á reglugerð 2019/945. Kynnt eru tvö ný kerfi og þær tæknilegu kröfur sem til þeirra eru gerðar. Kerfin eru nefnd nefnd C5 og C6. Þau falla í opinn flokk og eru gerðar kröfur til þeirra í samræmi við það.
Stöðluðu aðferðum hefur verið bætt við 1. viðbæti í viðauka I við reglugerð (ESB) 2019/947 þar sem skilgreind eru skilyrði fyrir því að rekstraraðilar UAS megi reka kerfin eftir að hafa skilað yfirlýsingu til lögbærs yfirvalds.
Vegna þessara nýju kerfa þarf að uppfæra reglugerð (ESB) 2019/945 meðal annars hvað viðvíkur tæknilegum kröfum sem UAS kerfin þurfa að uppfylla til að mega vera starfrækt í STS.
Umsögn: helstu breytingar, mati á umfangi, og áhrif hér á landi:
Almennt: Með reglugerðinni eru settar fram kröfur um hönnum búnaðar og tækjabúnaðar sem tengist ómönnuðum loftförum. Enn fremur er fjallað um auðkenningu viðbótarbúnaðar við ómönnuð loftför á markaði og frjálst flæði ómannaðra loftfara innan sambandsins.
Tveir nýir flokkar eru gefnir út, C5 og C6 í opnum flokki, fyrir notendur ómannaðra loftfara sem hyggjast vera með starfsemi í umræddum flokki og felst m.a. í tiltekinni afkastagetu og meira upplýsingaflæði til stjórnanda. Enn fremur eru gerðar kröfur á framleiðendur og innflytjendur um upplýsingagjöf til þeirra aðila sem sinna markaðseftirliti.
Helstu verkefni: Helstu breytingar felast í kröfum á framleiðendur hvað varðar getu búnaðar og upplýsingaskyldu milli aðila. Með möguleika á að senda yfirlýsingu til flugmálayfirvalda og þá ekki gert ráð fyrir jafn ítarlegri eftirlitsskyldu eins og gagnvart ómönnuðum loftförum sem fá skírteini/vottun flugmálayfirvalda. Samgöngustofa þarf að setja fram verklagsreglur um meðhöndlun yfirlýsinga og utanumhald. Kynna þarf kröfurnar til eigenda og notenda auk þeirra sem sinna markaðseftirliti (ekki hefur verið tekin ákvörðun um hvaða aðili mun sjá um eftirlitið).
Starfsmenn / kostnaður: Eins og fram kemur í áhrifamati v. reglugerðar 2019/945 og 2019/947 er þörf á að þjálfa eftirlitsmenn og setja upp kerfi til þess að halda utan um gögn, þ.e. yfirlýsingar, og meta hvort þau eru viðunandi.
Lagastoð fyrir innleiðingu gerðar: Lagastoðin fyrir innleiðingu gerðarinnar er ekki fyrir hendi í núgildandi loftferðalögum en mun vera í endurskoðuðum loftferðalögum sem nú er unnið að.
Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.