32020R1159

Markmið sem að er stefnt: Meginmarkmið með gerðinni er að stuðla að auknu öryggi. Um er að ræða framkvæmdareglugerð framkvæmdastjórnarinnar um breytingu á reglugerð (ESB) 1321/2014 og (ESB) 2015/640 að því er varðar innleiðingu á nýjum viðbótarkröfum vegna lofthæfis.
Aðdragandi: Samkvæmt 3. mgr. 76. gr. reglugerðar (ESB) 2018/1139 gefur Flugöryggisstofnun Evrópu út vottunarforskriftir (CS) og uppfærir þær reglulega.
Til að viðhalda öryggis- og umhverfiskröfum í Sambandinu þarf að kynna viðbótar lofthæfiskröfur sem eiga við um loftför sem nú þegar hafa verið tegundarvottuð og þurfa ekki að hlíta breytingum sem kveðið er á um í vottunarforskriftum (CS).
Efnisútdráttur: Í þessari reglugerð, (ESB) 2020/1158, er mælt fyrir um viðbótar lofthæfisforskriftir sem fylgja þarf til að tryggja áframhaldandi lofthæfi og öryggi loftfara eftir því sem þau eldast.
Breytingarnar snúa að hönnunarfyrirtækjum. Breytingunum er ætlað að tryggja að handhafar hönnunarviðurkenninga (DAHs), umsækjendur tegundavottorða (TC) og (STC), hönnunarbreytinga og gerðarviðurkenninga, skrásetji tilteknar upplýsingar á ákveðnu formi. Verklagsreglur, leiðbeiningar og handbækur sem tengjast aldri loftfara skulu vera aðgengileg rekstraraðilum loftfara. Þá er gerð krafa um að rekstraraðilar setji sömu gögn í viðhaldsáætlun fyrir hvert loftfar samhliða upplýsingum um viðhald þess.
Breytingarnar snúa fyrst og fremst að hönnunarfyrirtækjum og hafa helst áhrif á ný loftför. Þær geta þó einnig haft áhrif á loftför sem þegar eru í notkun en það fer eftir tegund og aldri loftfara og hvað viðbótakröfur DHAs setja.
Umsögn: helstu breytingar, mati á umfangi, og áhrif hér á landi: Gerðin hefur takmörkuð áhrif hér á landi. Hún snýr mest að hönnunarfyrirtækjum og ekki hægt að segja til um áhrif á loftför sem eru þegar í notkun. Því eldri sem loftförin eru, því meiri líkur til að setja þurfi viðbótar verkefni í viðhaldsáætlun og framkvæma.
Lagastoð fyrir innleiðingu gerðar: Lagastoðin er 7. mgr. 28. gr. sbr. 145. gr. laga um loftferðir nr. 60/1998.
Rétt væri að reglugerðin yrði innleidd með breytingu á reglugerð nr. 926/2015 um viðvarandi lofthæfi loftfara og flugtæknilegra framleiðsluvara, hluta og búnaðar og um samþykki fyrir viðhaldsstöðvum og starfsfólki á þessu sviði.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Tilgreining á hagsmunaaðilum: Hönnunarfyrirtæki, umráðendur stórra loftfara, yfirvöld
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.