Útdráttur
Evrópska áhættuflokkunarkerfinu, sem innleitt verður með þessari gerð, er ætlað að aðstoða aðildarríkin og Flugöryggisstofnunina við mat þeirra á atvikum í flugi. Meginmarkmið með kerfinu er að auðkenna og flokka á samræmdan hátt öryggisáhættu sem verður við hvert atvik fyrir sig og áhrif þess á flugöryggi. Í reglugerð (ESB) nr. 376/2014 eru sett fram ákvæði um tilkynningar atvika í almenningsflugi sem og greiningu á og eftirfylgni með þeim. Í samræmi við þá reglugerð þróaði framkvæmdastjórn Evrópusambandsins í samvinnu við aðildarríkin og Flugöryggisstofnun Evrópu, evrópskt áhættuflokkunarkerfi (ERCS) til að tryggja að þegar verið er að rannsaka einstök öryggisatvik sem mikil áhætta fylgir sé hægt að grípa fljótt til viðeigandi aðgerða. Samgöngustofa þarf að ganga eftir að farið verði eftir þeim ferlum sem hér eru kynntir. Kostnaður óverulegur.
Nánari efnisumfjöllun
Markmið sem að er stefnt: Evrópska áhættuflokkunarkerfinu, sem innleitt verður með þessari gerð, er ætlað að aðstoða aðildarríkin og Flugöryggisstofnunina við mat þeirra á atvikum í flugi. Meginmarkmið með kerfinu er að auðkenna og flokka á samræmdan hátt öryggisáhættu sem verður við hvert atvik fyrir sig og áhrif þess á flugöryggi.Aðdragandi: Í reglugerð (ESB) nr. 376/2014 eru sett fram ákvæði um tilkynningar atvika í almenningsflugi sem og greiningu á og eftirfylgni með þeim.Í samræmi við þá reglugerð þróaði framkvæmdastjórn Evrópusambandsins í samvinnu við aðildarríkin og Flugöryggisstofnun Evrópu, evrópskt áhættuflokkunarkerfi (ERCS) til að tryggja að þegar verið er að rannsaka einstök öryggisatvik sem mikil áhætta fylgir sé hægt að grípa fljótt til viðeigandi aðgerða.Þróun kerfisins var í samræmi við ákvæði reglugerðar (ESB) nr. 376/2014 og lauk þann 15. maí 2017. Kerfið er nú innleitt með þessari gerð.Efnisútdráttur: Áhættuflokkunarkerfið er sett fram í viðauka við reglugerðina.Með kerfinu á að greina öryggisáhættu vegna atviks en ekki útkomu þess.Mat á hverju atviki skal miða að verstu mögulegu niðurstöðu sem mögulegt er að geti orðið og hversu nálægt þeirri niðurstöðu atvikið var. Kerfið á að byggja á eftirfarandi aðferðarfræði:a. alvarleiki: greining á verstu mögulegu niðurstöðu vegna slyss sem hefði orðið ef til þess hefði komið.b. líkindi: greining á líkindum þess að atvikið geti orðið alvarlegra og leitt til verstu mögulegu niðurstöðu sbr. a. lið.Umsögn: helstu breytingar, mati á umfangi, og áhrif hér á landi: Gerðin hefur einhverjar breytingar í för með sér fyrir Samgöngustofu. Breyta þarf verklagi þegar kemur að áhættuflokkun á atvikum. Með reglugerðinni er tekið tillit til þess að nýja kerfið samræmist fyrirliggjandi áhættuflokkunarkerfum sem þegar eru í notkun hjá leyfishöfum. Í dag er búið að útbúa vörpun úr RAT og ARMS. Vörpunin fyrir ARMS tekur þó ekki tillit til hindrana, e. barriers. Einhverjir leyfishafar nota aðra aðferðafræði en RAT og ARMS og mun Samgöngustofa þurfa að óska eftir því við þá að þeirra aðferðafræði verði breytt. Þá verður skoða hvort mögulegt verði að gera kröfu um að leyfishafar noti alla jafna ERCS aðferðafræðina.EASA er að undirbúa þjálfunargögn fyrir ERCS sem munu verða útgefin á allra næstu vikum. Þá mun leiðbeiningarefni (GM) verða gefið út um miðjan nóvember.Lagastoð fyrir innleiðingu gerðar: Lagastoðin er 4. mgr. 47. gr. og 2. mgr. 47. gr. a, sbr. 145. gr. laga um loftferðir nr. 60/1998, með síðari breytingum.Rétt væri að reglugerðin yrði innleidd með breytingu á reglugerð nr. 900/2017 um tilkynningu atvika í almenningsflugi sem og greiningu á og eftirfylgni með þeim.Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Um er að ræða breytingu á framkvæmdareglugerð (ESB) 376/2014 sem hefur verið tekin upp í EES-samninginn með aðlögunum.
