32020R2148

Markmið sem að er stefnt: Um er að ræða reglugerð um breytingar á reglugerð (ESB) 139/2014 að því er varðar öryggi loftfara á flugbrautum, flugmálagögn og flugmálaupplýsingar.
Meginmarkmið gerðarinnar er að auka öryggi flugbrauta og flugmálagagna. Breytingar sem kynntar eru með henni snúa einkum að skipulags- og rekstrarkröfum sem gerðar eru í reglugerð (ESB) nr. 139/2014 en nauðsynlegt þykir að breyta til að auka öryggi. Þá eru einnig kynntar nýjar kröfur sem hafa sama tilgang.
Breytingarnar snúa að því að rekstraraðilar flugvalla eiga að tryggja gæði flugmálagagna og flugmálaupplýsinga sem eru hluti af gagnakeðju flugs. Þá snúa þær að áætlunum, þjálfun og ferlum um öryggi á flugbrautum til að draga úr líkum á átroðningi á flugbrautum og aðskotahlutum á þeim.
Umsögn: helstu breytingar, mati á umfangi, og áhrif hér á landi: Tillagan snýst um breytingar á flugmálagögnum sem tengd eru flugvöllum.
Um er að ræða breytingar á reglugerð (ESB) 139/2014 sem hafa verið í bígerð um skeið hjá EASA. Breytingarnar snúa einkum að fínstillingu á ýmsum ákvæðum um öryggi á flugbrautum og átroðningi á þeim sem og flugmálagögn og flugmálaupplýsingar um flugvelli og meðhöndlun þeirra gagna.
Mikilvægt er að greina breytingarnar vandlega og þau áhrif sem þær munu hafa á rekstraraðila flugvalla. Samráðstímabil er til 17. febrúar 2021. Nú þegar er hafin samvinna Samgöngustofu við ISAVIA um þá greiningu. Öryggisnefnd FÍA hefur óskað eftir að taka þátt í samráðinu.
Lagastoð fyrir innleiðingu gerðar: Lagastoðin er 56. gr., sbr. 145. gr. laga um loftferðir nr. 60/1998.
Rétt væri að reglugerðin yrði innleidd með breytingu á reglugerð nr. 75/2016 um kröfur og stjórnsýslumeðferð er varða flugvelli samkvæmt reglugerð Evrópuþingsins og ráðsins (EB) nr. 216/2008.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Ekki er talið að gerðin kalli á kostnaðarauka fyrir Samgöngustofu þar sem þær snúa að reglubundnu eftirliti sem stofnunin sinnir nú þegar.
Kostnað fyrir rekstraraðila flugvalla (ISAVIA) er áætlaður óverulegur þar sem breytingarnar krefjast ekki mikils búnaðar eða innviðabreytinga. Það eru helst slíkar breytingar sem eru kostnaðarsamar fyrir rekstraraðila flugvallar. Breytingarnar kalla þó á fínstillingu og aðlögun kerfa, ferla og verklagsreglna og að framfylgja þeim.
Mikilvægt er að greina breytingarnar vandlega og þau áhrif sem þær munu hafa á rekstraraðila flugvalla. Samráðstímabil er til 17. febrúar 2021. Nú þegar er hafin samvinna Samgöngustofu við ISAVIA um þá greiningu. Öryggisnefnd FÍA hefur óskað eftir að taka þátt í samráðinu.
Skörun við starfssvið annarra ráðuneyta: Nei.