32020R2173

Markmið sem að er stefnt: Verið að aðlaga gagnabreytur sem fram koma í II. og III. viðauka við reglugerð nr. 2019/631/ESB og fjarlægja vísanir í gögn byggð á NEDC, e. the New European Driving Cycle. Til að einfalda eftirlit og tilkynningar þarf að samræma gagnabreytur eins og hægt er fyrir fólksbifreiðar og létt atvinnuökutæki. Þá er nauðsynlegt að skýra ákveðin ákvæði sem tengjast aðlöguninni úr NEDC kerfinu í WLTP, e. Worldwide Harmonised Light Vehicle Test Procedure. Þetta á til dæmis við markmið um losun sem fram koma í I. viðauka reglugerðarinnar fyrir tímabilið 2021-2024 og gilda fyrir framleiðendur ökutækja sem engin losun gróðurhúsa lofttegunda kemur frá og koma á EU markað í fyrsta sinn á því tímabili.
Aðdragandi: Til að reikna út losunarviðmið framleiðanda fyrir tímabilið 2021-2024 í samræmi við I. viðauka við reglugerð 2019/631/ESB þarf að hafa gögn um losun ökutækja fyrir árið 2020. Fyrir framleiðendur sem setja ökutæki á markað í fyrsta sinn á framangreindu tímabili er nauðsynlegt að skýra hvernig markmiði um losun er náð sem og fráviksmarkmiði og hvernig það á að vera ákveðið með tilliti til gagna um koltvísýringslosun. Þau gögn verða ekki aðgengileg fyrr en í lok árs 2020.
Þá er þörf á leiðbeiningum fyrir framleiðendur sem setja eingöngu ökutæki sem engin losun gróðurhúsalofttegunda kemur frá á markað árið 2020 og hvernig losunar viðmið þeirra eigi að vera á tímabilinu 2021-2024.
Frá 1. janúar 2021 skulu viðmið um losun koltvísýrings byggja á gögnum um losun sem eru í samræmi við WLTP kerfið eins og fram kemur í reglugerð 2017/1151/ESB. Vegna þessa er nauðsynlegt að breyta I. viðauka reglugerðarinnar til að aðlaga breyturnar sem fylgjast á með og tilkynntar hafa verið. Jafnframt þarf að fjarlægja tilvísanir í NEDC kerfið. Það er þó heimilt að leyfa eldri og nýrri ákvæðum að skarast þangað til 28. febrúar 2021.
Þessi breyting gefur einnig tækifæri til að samræma þær gagnabreytur sem eru undir eftirliti fyrir fólksbifreiðar og létt atvinnuökutæki sem og til að samstilla öll ákvæði sem tengjast því hvernig eftirliti er háttað. Einnig hvernig þær eru tilkynntar af aðildarríkjum eins og fram kemur í reglugerðum 1014/2010/ESB og 293/2012/ESB samhliða tilkynningarformum II. og III. viðauka 2019/631/ESB.
Ákveðnar nýjar breytur skulu vera háðar eftirliti og tilkynningu í ljósi undirbúnings fyrir eftirlit skv. 12. gr. reglugerðarinnar og til að sannreyna koltvísýrings losun ökutækja í notkun eins og fram kemur í 13. gr. Þar á meðal er gildi eldsneytisnotkunar og reikningur á bakvið koltvísýrings losun.
Með vísan til framangreinds þarf að breyta reglugerð 2019/631/ESB.
Efnisútdráttur:
1. gr.: I., II. og III. viðaukum reglugerðar 2019/631/ESB er breytt til samræmis við viðauka þessarar reglugerðar.
2. gr.: Gildisákvæði.
Breytt er viðauka þar sem kveðið er á um tiltekin atriði sem skylda er að gefa skýrslu um. Sum atriði eru tekin út og nýjum bætt við en ekki er krafa um að skila þeim strax.
Umsögn: helstu breytingar, mati á umfangi, og áhrif hér á landi: Breytingarnar geta kallað á meiri vinnu fyrir forritara Samgöngustofu við að nálgast frekari gögn í gegnum Nortype en áhrifin þykja samt sem áður óveruleg.
Lagastoð fyrir innleiðingu gerðar: 69. gr. umferðarlaga nr. 77/2019. Innleiðing færi fram með breytingu á reglugerð um gerð og búnað ökutækja, nr. 822/2004
Mat eða tilgreining á kostnaði hins opinbera, sveitar-félaga og atvinnulífs og almennings ef einhver er: Óverulegur en gæti verið einhver við þessa auknu vinnu forritara.
Skörun við starfssvið annarra ráðuneyta: Nei
Tilgreining á hagsmunaaðilum: Nei
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.