32021D1283

Í II. viðauka við framselda reglugerð framkvæmdastjórnarinnar (ESB) nr. 1062/2014 er listi yfir þær samsetningar virkra efna/vöruflokka, sem endurskoðunaráætlun fyrirliggjandi virkra efna í sæfivörum nær yfir þann 30. mars 2019. Fyrir fjölda þeirra hafa þátttakendur dregið stuðning sinn tímanlega til baka eða teljast hafa dregið stuðning sinn til baka. Í kjölfar opins boðs um að taka yfir hlutverki þátttakanda fyrir þessar samsetningar virkra efna/vöruflokka, sbr. 1. mgr. 14. gr. framseldu reglugerðarinnar hér að ofan, stóðu enn nokkrar samsetningar virkra efna/vöruflokka eftir þar sem engin tilkynning barst eða að tilkynningunni hafi verið hafnað í samræmi við 4. og 5. mgr. 17. gr. reglugerðarinnar. Að auki voru nokkrar samsetningar virkra efna/vöruflokka þar sem búið var að taka yfir hlutverk þátttakandans en síðar hafi allir þátttakendur dregið stuðning sinn tímanlega til baka eða eru taldir hafa dregið stuðning sinn til baka, sbr. 3. mgr. 12. gr. reglugerðarinnar.Þeim samsetningum virkra efna/vöruflokka, sem þetta á við, er því ekki veitt samþykki til notkunar í sæfivörur, sbr. a- og b-lið 1. mgr. 20. gr. framseldu reglugerðarinnar hér að ofan og eru þær eftirfarandi:-          Metamnatríum í vöruflokkum 9 og 11.-          Þíram í vöruflokki 9-          Brónópól í vöruflokki 9-          Peroxýoktansýra í vöruflokkum 2, 3 og 4.-          Maltþykkni – Kjarnar og eðlislega breyttar afleiður þeirra fengnar úr Hordeum, Gramineae í vöruflokki 19.-          2,2-díbrómó-2-sýanóasetamíð í vöruflokki 13.-          Silfur, sem nanóefni í vöruflokkum 2, 4 og 9.-          Eucalyptus citriodora olía og sítrónellal, vatnað, hringað í vöruflokki 19.-          2-hýdroxý- α,α,4-trímetýlsýklóhexanmetanól í vöruflokki 19.-          Klórdíoxíð myndað úr natríumklóríð og natríumpersúlfat í vöruflokkum 2, 3, 4, 5 og 11.-          Amín, C10-16-alkýldímetýl, N-oxíð í vöruflokki 4.-          Capsicum oleoresin í vöruflokki 19.-          Capsicum annuum, þykkni í vöruflokki 19.-          Hvarfmassi (6E)-N-(4-hýdroxý-3-metoxý-2-metýlfenýl)-8-metýlnóna-6-enamíð og N-(4-hýdroxý-3-metoxý-2-metýlfenýl)-8-metýlnónanamíð í vöruflokki 19.Þær ráðstafanir sem kveðið er á um í þessari ákvörðun eru í samræmi við álit fastanefndar um sæfivörur.