32021D1839

Virka efnið kreósót er samþykkt virkt efni til notkunar í sæfivörur í vöruflokki 8. Þann 27. október 2016 var sótt um endurnýjun á samþykkinu í samræmi við 1. mgr. 13. gr. reglugerðar (ESB) nr. 528/2012 (BPR). Bretland, sem var áður lögbært matsyfirvald, skilaði þann 16. september 2019 inn tilmælum til Efnastofnunar Evrópu (ECHA) um endurnýjun samþykkis. Pólland, sem lögbært yfirvald, tók yfir sem lögbært matsyfirvald þann 30. janúar 2020. Með framkvæmdarákvörðun (ESB) 2020/1038 hefur lokadegi samþykkis fyrir kreósót áður verið frestað til 31. október 2021.ECHA skilaði áliti sínu þann 4. desember 2020, byggt á niðurstöðum matsyfirvaldsins, í samræmi við 3. mgr. 14. gr. BPR. Kreósót er flokkað sem krabbameinsvaldur í undirflokki 1B og uppfyllir kröfur um að vera þrávirkt efni sem safnast fyrir í lífverum og eitrað (PBT-efni) og einnig kröfur um að vera mjög þrávirkt efni sem safnast fyrir í lífverum í miklum mæli (vPvB-efni). Það uppfyllir því viðmiðanir fyrir útilokun, sbr. a)- og e)-liði 1. mgr. 5. gr. BPR. Ekki hefur verið komist að niðurstöðu um hvort að kreósót uppfylli a.m.k. eitt af skilyrðunum í fyrsta undirlið 2. mgr. 5. gr. reglugerðarinnar og þar með hvort að hægt sé að endurnýja samþykki fyrir efninu. Lokadagur samþykkis fyrir virka efninu mun því renna upp áður en sú ákvörðun verður tekin.Auk þess gilda takmarkanir um kreósót, efnasambönd þess og við sem hefur verið meðhöndlaður með þeim, sbr. XVII. viðauka við reglugerð (EB) nr. 1907/2006 (REACH) og á Frakkland að skila inn málsskjölum til ECHA til að hefja málsmeðferð um takmarkanir á vettvangi ESB. Frekari athugun þarf að eiga sér stað til að tryggja samræmi á milli málsmeðferðarinnar við takmarkanir og matsins um endurnýjun samþykkis fyrir kreósót sem virku efni og til að gera ráðstafanir um skilvirkt eftirlit með kreósóti og meðhöndluðum við.Því er ljóst að ekki náist að taka ákvörðun um endurnýjun kreósóts til notkunar í sæfivörur í vöruflokki 8 áður en lokadagur samþykkis rennur upp og þess vegna þykir rétt að fresta honum til 31. október 2022.