32021D2147

Markmið sem að er stefnt: Markmið með ákvörðuninni er að setja fram lista yfir flugverndarbúnað sem uppfyllir flugverndarkröfur.Aðdragandi: Í reglugerð (ESB) nr. 300/2008 er mælt fyrir um nákvæmar ráðstafanir við framkvæmd sameiginlegra grunnkrafna og almennar ráðstafanir þar á meðal um verklagsreglur um samþykki og notkun öryggisbúnaðar fyrir almenningsflug. Með reglugerð (ESB) 2015/1998 er svo komið á samræmdu fyrirkomulagi fyrir uppsetningu öryggisbúnaðar fyrir almenningsflug. Til að tryggja sem best framkvæmd sameiginlegra grunnstaðla í flugvernd hafa kröfur um flugverndarbúnað fyrir almenningsflug verið samræmdar. Framkvæmdastjórn (ESB) ber að samþykkja búnaðinn með ákvörðun og fær sá búnaður ESB stimpil eða, e. EU Stamp, sbr. einnig reglugerð (ESB) 2020/111, um breytingu á (ESB) 2015/1998, en þar er kveðið á um að óheimilt sé að taka flugverndarbúnað í notkun eftir 1. október 2020 sem ekki hefði fengið þessa viðurkenningu.Framkvæmdastjórnin getur samþykkt flugverndarbúnað tímabundið undir tilteknum kringumstæðum, e. EU Stamp pending.Efnisútdráttur: Í viðauka með ákvörðuninni er settur fram listi yfir viðurkenndan flugverndarbúnað í almenningsflugi merktur „ESB-stimpil“ eða EU Stamp.Umsögn: helstu breytingar, mati á umfangi, og áhrif hér á landi: Ákvörðunin er um flugverndarbúnað sem hefur verið í notkun og er því ekki um að ræða breytingar fyrir hagsmunaaðila í flugvernd. Listinn er birtur í gagnagrunni ESB sem eykur á aðgengileika og ætti að vera til þæginda fyrir aðila. Lagastoð fyrir innleiðingu gerðar: Lagastoðin er 70. gr. d, sbr. 145. gr. laga um loftferðir nr. 60/1998 með síðari breytingum. Rétt væri að reglugerðin yrði innleidd með breytingu á reglugerð nr. 750/2016 um flugvernd. Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn enginn. Horizontal issues: sektir, aðrar refsingar, stofnanir, lönd utan EES: Nei. Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.