32021D2148

Belgía er tilvísunaraðildarríkið sem metur umsókn um landsbundið leyfi fyrir flokki skyldra sæfivara undir heitinu Oxybio. Einnig var sótt um samhliða gagnkvæma viðurkenningu í fleiri aðildarríkjum, þ.á.m. Frakklandi. Ákvörðunin kemur í kjölfar andmæla Frakklands til samræmingarhóps vegna atriðis í matsskýrslu Belgíu sem snýr að eðlisrænni hættu varanna m.t.t. eiginleika oxandi vökva, þar sem Frakkland vill meina að vörurnar uppfylli ekki skilyrði d)-liðs, 1. mgr. 19. gr. reglugerðar (ESB) nr. 528/2012 þar sem ekki hefði verið tekið tillit til flokkunar skv. tilmælum Sameinuðu þjóðanna (SÞ) um flutning á hættulegum farmi.Engin niðurstaða náðist í samræmingarhópnum svo Belgía vísaði andmælunum til framkvæmdastjórnarinnar þann 10. desember 2020 í samræmi við 1. mgr. 36. gr. reglugerðar (ESB) nr. 528/2012.Með ákvörðuninni hefur framkvæmdastjórnin ákvarðað að rétt sé að það komi fram í drögum að samantekt á eiginleikum flokks skyldra sæfivara að vörur sem innihalda vetnisperoxíð í 12% styrkleika eigi að flokka sem oxandi vökva í pökkunarflokki III í samræmi við tilmæli SÞ, sem samsvari hættuflokkuninni oxandi vökvi í undirflokki 3 í reglugerð (EB) nr. 1272/2008.