32021D2166

Fyrirtækið Teknos A/S hefur sótt um landsbundið leyfi fyrir sæfivörunni Teknol Aqua 1411-01, þar sem Danmörk er tilvísunaraðildarríkið sem er ábyrgt fyrir mati á vörunni, sem og samhliða gagnkvæma viðurkenningu á landsbundnu leyfi í fleiri löndum, þ.á.m. Þýskalandi.Sæfivaran inniheldur leifar af þremur óvirkum efnum í mjög lágum styrkleika, þ.e. oktametýlsýklótetrasíloxan (D4), dekametýlsýklópentasíloxan (D5) og dódekametýlsýklóhexasíloxan (D6), sem hafa verið greind sem þrávirk efni sem safnast fyrir í lífverum og eru eitruð (PBT-efni) og mjög þrávirk efni sem safnast fyrir í lífverum í miklum mæli (vPvB-efni), sbr. XIII. viðauka við reglugerð (EB) nr. 1907/2006 (REACH).Þann 5. nóvember 2020 vísaði Þýskaland ágreiningsatriði til samræmingarhópsins þar sem hlutaðeigandi aðildarríkið mælti fyrir að þar sem sæfivaran innihéldi efni sem uppfylla viðmiðanir fyrir flokkun sem PBT-efni og vPvB-efni uppfyllti hún ekki skilyrði iv. liðar b-liðar 1. mgr. 19. gr. reglugerðar (ESB) nr. 528/2012 (BPR) fyrir notkun sem viðarvarnarefni utandyra, sem kemst ekki í snertingu við jörð, sbr. 48. lið VI. viðauka við BPR. Engin niðurstaða náðist hjá samræmingarhópnum og því var ágreiningsatriðinu vísað til framkvæmdastjórnarinnar sem komst að þeirri niðurstöðu að þar sem heildarstyrkleiki D4, D5 og D6 í sæfivörunni væri talsvert lægri en 0,1% af massahlutfalli ættu þessi óvirku efni ekki að teljast sem efni sem gefa tilefni til áhyggna við mat á sæfivörunni og því eigi 48. liður VI. viðauka við BPR ekki við í þessu tilviki.