32021R0097

Markmið sem að er stefnt: Um er að ræða framkvæmdarreglugerð framkvæmdastjórnarinnar um breytingu á reglugerð (ESB) 2015/640. Í henni voru gerðar nýjar kröfur til lofthæfis til viðbótar við þær sem fyrir voru.
Markmiðið með gerðinni er að gera tilteknar breytingar og leiðréttingar á reglugerð (ESB) 2015/640 í þeim tilgangi að létta byrðum af flugiðnaðinum vegna áhrifa COVID-19 án þess að það komi niður á öryggi.
Aðdragandi: Samkvæmt 3. mgr. 76. gr. reglugerðar (ESB) 2018/1139 gefur Flugöryggisstofnun Evrópu út vottunarforskriftir (CS) og uppfærir þær reglulega.
Í þeim tilgangi að tryggja áframhaldandi lofthæfi og öryggi loftfara voru með reglugerð (ESB) 2015/640 settar fram lofthæfiskröfur til viðbótar við þær sem fyrir voru.
Með þessari gerð eru settar fram tilteknar breytingar á I. og II. viðauka við reglugerð (ESB) 2015/640.
Efnisútdráttur: Með þessari gerð eru tilteknar breytingar og leiðréttingar gerðar á reglugerð (ESB) 2019/640.
Breytingarnar eru viðbótar lofthæfikröfur um farþega- og áhafnasæti stórra flugvéla sem hafa nýlega verið framleiddar og vottaðar af EASA. Vegna tafa við framleiðslu loftfara vegna COVID-19 heimsfaraldursins munu nokkrar vélar sem fyrirhugað var að fengju útgefið lofthæfivottorð fyrir 18. febrúar 2021 fá lofthæfivottorð eftir þann dag.
Gerðar eru breytingar á kröfum um fyrsta útgáfudag lofthæfisskírteina samkvæmt lið 26.60 í I. viðauka við reglugerð 2015/640, sem nú er 18. febrúar 2021. Breytingin snýr að því að útgáfudagsetning fyrsta lofthæfisskírteinis þessara véla er höfð í samræmi við útgáfudagsetningu véla sem falla ekki undir I. viðauka.
Þá snýr gerðin að reglum um öldrun loftfara sem settar voru fram með reglugerð (ESB) 2020/1159. Þær kveða á um að handhafar viðgerðarvottorða útgefnum fyrir 1. september 2003 verða að þróa gögn um tjónþol, e. damage tolerance data, án tillits til hvort slíkra gagna er krafist af rekstraraðila. Er þessu breytt þannig að einungis þarf að framleiða þessi gögn að beiðni eða kröfu rekstraraðila.
Umsögn: helstu breytingar, mati á umfangi, og áhrif hér á landi: Gerðin hefur takmörkuð áhrif hér á landi.
Lagastoð fyrir innleiðingu gerðar: Lagastoðin er 7. mgr. 28. gr., sbr. 145. gr. laga um loftferðir nr. 60/1998 með síðari breytingum.
Rétt væri að reglugerðin yrði innleidd með breytingu á reglugerð nr. 237/2014 um tæknikröfur og stjórnsýslureglur í tengslum við starfrækslu loftfara.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.