32021R0133

Markmið sem að er stefnt: Gerðin er um notkun á EUCARIS gagnagrunninum. Ríki Evrópusambandsins eiga að nota hann til að skiptast á upplýsingum um ökutæki og ökuskírteini. Verið er að tryggja að aðildarríkin hafi nægan tíma til að koma á upplýsingaskiptakerfi sem samræmist breytingunum. Kostnaður mun hljótast af reglugerðinni hér á landi.

Aðdragandi: Til að tryggja að skipt verði á CoC vottorðum, e. Certificate of Conformity. á samræmdan hátt þurfa þær upplýsingar sem fram kom að vera á XML skráarsniði e. Extensible Markup Language XML. Framleiðandi og viðurkenningaryfirvald skulu nota staðlaða aðferð við skipti á grunn upplýsingum um ökutæki e. „Initial Vehicle Information IVI. 

Til að gera slík upplýsingaskipti möguleg fyrir framleiðanda og viðurkenningaryfirvald í eigin gagnaneti er nauðsynlegt að gera breytingar. Gera þarf breytingar á gagnaeiningum fyrir CoC vottorð sem send eru á pappírsformi. Um þau er fjallað í 1. mgr. 36. gr. reglugerðar (ESB) 2018/858 

Til að gera gerðarviðurkenningaryfirvöldum, markaðseftirlitsyfirvöldum og skráningaryfirvöldum aðildarríkjanna sem og framleiðendum kleift að búa sig undir beitingu nýju reglnanna sem settar eru með þessari reglugerð ber að lengja umsóknarfrestinn. 

Efnisúrdráttur: 1. gr. fjallar um upplýsingaskiptin sjálf en þar kemur fram að framleiðandi skuli vera með aðgengilega rafræna útgáfu af CoC vottorði í samræmi við form gagna sem fram koma í 2. gr. Það skal síðan senda í gegnum EUCARIS til gerðarviðurkenningaryfirvaldsins sem veitti heildargerðarviðurkenninguna. 

Viðurkenningaryfirvaldið skal nota EUCARIS sem grunn fyrir upplýsingaskipti um CoC vottorð á rafrænu formi eins og fjallað er um í c-lið 8. mgr. 37. gr. reglugerðar (ESB) 2018/858.

2. gr. fjallar um grunn form gagna og stöðluð skilaboð. Þau skulu byggja á XML kerfinu og framleiðandi og viðurkenningaryfirvald skal nota IVI skilaboðakerfið eins og fram kom að ofan. 

3. gr. fjallar um hvernig á að breyta eðli gagnanna og hversu oft eigi að uppfæra skráarsniði. 

Umsögn: helstu breytingar, mati á umfangi, og áhrif hér á landi: Í dag hefur Samgöngustofa lesaðgang að EUCARIS og getur flett upp ökutækjum þar. Þetta gerir kröfu um að Samgöngustofa sé tengd EUCARIS svo aðrar þjóðir geti flett upp íslenskum upplýsingum. Þetta gerir einnig kröfu um að upplýsingum úr ökutækjaskránni sé skilað á fyrir fram ákveðnu skráarsniði, eða XML sniði.

Lagastoð fyrir innleiðingu gerðar: Lagastoð er í 4. mgr. 69. gr. umferðarlaga nr. 77/2019.

Innleidd í reglugerð um gerð og búnað ökutækja nr. 822/2004.

Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Umtalsverð hugbúnaðarvinna hjá Samgöngustofu vegna tengingar EUCARIS og IVI skráarsniðs. Tengingar við gagnagrunna. Þetta verkefni liggur á nokkrum stöðum innan Samgöngustofu og er gríðarlega umfangsmikið. Gæti tekið allt að 2-3 mánuði í vinnu og heildarkostnaður gæti legið á bilinu 10.000.000 kr.-15.000.000 kr. 

Skörun við starfssvið annarra ráðuneyta: Nei, líklega ekki.

Tilgreining á hagsmunaaðilum: Allir innflytjendur nýrra, gerðarviðurkenndra ökutækja. 

Horizontal issues: sektir, aðrar refsingar, stofnanir, lönd utan EES: Nei.

Þörf fyrir EFTA-komment – aðlaganir sem þegar eru í gildi vegna undanfarandi gerða: Nei