32021R0250

Markmið sem að er stefnt: Um er að ræða tillögu að reglugerð um breytingu á reglugerð 95/93 um úthlutun afgreiðslutíma á flugvöllum. Markmið með gerðinni er að koma til móts við flugrekendur sem geta ekki nýtt úthlutunartíma sinn í 80% tilvika eins og áskilnaður er um samkvæmt reglugerð (EBE) 95/93 skv. svokallaðri „use-it-or-loose-it“ reglu.
Efnisútdráttur: Í reglugerð (EBE) nr. 95/93 er kveðið á um skyldu flugrekenda til að nýta úthlutaða afgreiðslutíma á flugvöllum í 80% tilvika innan úthlutunartímabils en að öðrum kosti missa þá e. use-it-or-lose-it.
Þann 30. mars sl. samþykkti Evrópusambandið breytingu á slot reglugerðinni svokölluðu, nr 95/93, um undanþágu frá „use-it-or-loose-it“ reglunni. Breytingin var gerð vegna áhrifa COVID-19 heimsfaraldursins á flugrekendur og var samþykkt fyrir tímabilið frá sumri 2020 til 24. október 2020. Breytingin fól í sér að flugrekandi missti ekki úthlutaðan afgreiðslutíma á flugvelli þrátt fyrir nýting væri engin.
Þann 14. október 2020 samþykkti framkvæmdastjórnin framselda gerð um framlengingu undanþágunni vegna áætlunartímabilsins 2020/2021 fram til til 27. mars 2021.
Með þessari tillögu að reglugerð er leitast við að færa úthlutunarreglur aftur í eðlilegt horf. Lagt er til að frá 28. mars nk. gildi „use-it-or-loose-it“ reglan á ný en miðað verði við að flugrekandi skuli nýta afgreiðslutímann í a.m.k. 40% tilvika til þess að halda forgangi sínum fyrir komandi tímabil.
Breytingin tekur til flugrekenda sem byggja rétt sinn á svokölluðum „grand-father rights“ og á samkvæmt tillögunni ekki við um fyrstu úthlutun afgreiðslutíma til nýrra flugrekenda. Þeir flugrekendur skulu áfram uppfylla skilyrði um 80% nýtingu.
Með tillögunni er einnig leitast við að skýra undir hvaða kringumstæðum samræmingarstjórar geta afturkallað úthlutun til flugrekanda sem hætt hafa starfsemi á flugvelli.
Lagt er til að framangreind undanþága frá úthlutunarreglum gildi fyrir tímabilið frá 28. mars 2021 til 30. október 2021.
Umsögn: helstu breytingar, mati á umfangi, og áhrif hér á landi: Reglugerðin hefur jákvæð áhrif á íslenska flugrekendur og möguleika þeirra á að halda óbreyttum úthlutuðum afgreiðslutíma á Keflavíkurflugvelli þrátt fyrir að uppfylla ekki nýtingartíma samkvæmt ákvæðum reglugerðar (EBE) nr. 95/93.
Lagastoð fyrir innleiðingu gerðar: Lagastoðin er 1. mgr. 57. gr. c, sbr. 145. gr. laga um loftferðir nr. 60/1998, með síðari breytingum.
Rétt væri að reglugerðin yrði innleidd með breytingu á reglugerð nr. 858/2014 um úthlutun afgreiðslutíma flugvalla.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn enginn.
Skörun við starfssvið annarra ráðuneyta: Nei.
Tilgreining á hagsmunaaðilum: Flugrekendur. Samræmingarstjórar flugvalla.
Horizontal issues: sektir, aðrar refsingar, stofnanir, lönd utan EES: Nei.