32021R0255

Markmið sem að er stefnt: Um er að ræða framkvæmdareglugerð framkvæmdastjórnarinnar um breytingu á reglugerð (ESB) 2015/1998 um ítarlegar ráðstafanir til að framfylgja sameiginlegum grunnkröfum um flugvernd og tengda ákvörðun sem ekki verður birt.
Markmiðið er að framlengja tímabil ráðstafana vegna áhrifa COVID-19 og snúa að:
- tilnefningum flugrekenda sem flytja farm eða póst frá flugvelli í ríki utan sambandsins.
- kröfum til flugvalla um að ljúka uppsetningaferli (EDS) skimunarbúnaðar
Þá er kveðið á um nýjar kröfur um fyrir fram upplýsingagjöf við hleðslu farms (PLACI). Gerðar eru breytingar í því skyni að skýra betur og samræma túlkun á gildandi reglum.
Gildistaka: Á 20. degi eftir birtingu í Stjórnartíðindum ESB þar sem um það er að ræða.
Þó skulu liðir:
(1) og (22) í viðauka við gerðina gilda frá 15. mars 2021.
(2) í viðauka við gerðina gilda frá 1. mars 2021 og
(14) í viðauka við gerðina frá 1. júlí 2021.
Efnisútdráttur: Verið er að framlengja gildistíma ráðstafana vegna ESB-fullgildingar flugverndar, sem um getur í lið 6.8.1.7. í viðauka við reglugerð (ESB) 2015/1998.
Framlenging tímabilsins kemur til vegna áhrifa af COVID-19 heimsfaraldrinum. Vettvangsheimsóknir vegna tilnefninga flugrekenda sem flytja farm eða póst frá flugvelli í ríki utan sambandsins sbr. kröfur í lið 6.8. í viðauka við reglugerðina hafa reynst erfiðar.
Þá er einnig verið að veita flugvöllum frest til að ljúka uppsetningu (EDS) skimunarbúnaðar. Vegna áhrifa COVID-19 hefur reynst erfitt að ljúka því. Aðildarríkin eru áfram skuldbundin til að innleiða nýjustu tækni til skimunar á farangri en nú er verið að heimila sveigjanleika í innleiðingu.
Þá eru einnig breytingar á reglum um upplýsingagjöf vegna fyrir fram hleðslu farms (PLACI). Í þágu flugverndar er fyrsta áhættugreining á farmi sem fara á um borð í loftfar sem kemur til sambandsins frá ríki utan þess gerð eins fljótt og hægt er og áður en farmurinn er settur um borð í loftfarið.
Samkvæmt reglugerð (ESB) 2015/2446 eiga reglur um fyrstu áhættugreiningu farms að gilda frá 15. mars 2021.
Umsögn: helstu breytingar, mati á umfangi, og áhrif hér á landi: Frestun á innleiðingu vegna COVID-19 eru til þess fallnar að auka svigrúm eftirlitsskyldra aðila og Samgöngustofu. Reglurnar sem lúta að fyrir fram upplýsingagjöf fyrir hleðslu farms, (PLACI), fela í sér kröfur um að taka við skilaboðum frá tollayfirvöldum í ESB ríkjum/Noregi og Sviss og eftir atvikum skima frekar eða banna flutning á tilteknum farmi. Eins og áður segir tekur Ísland ekki þátt í samstarfi um „EU security zone“ og leggjast þessar kröfur þannig á íslenska flugrekendur og umboðsaðila líkt og Ísland væri ríki utan sambandsins. Ekki er fyrirséð að kröfurnar séu íþyngjandi til þess að byrja með þar sem einungis er um póst- og hraðsendingar að ræða. Kröfurnar hafa verið vel kynntar íslenskum hagsmunaaðilum og ættu aðilar að vera meðvitaðir og tilbúnir.
Þessar kröfur leggjast á íslenska flugrekendur og umboðsaðila líkt og Ísland væri ríki utan sambandsins, þar sem Ísland er ekki hluti af svo kölluðu „EU security zone“ í tollamálum - en bæði Noregur og Sviss taka þátt í því samstarfi. Samráð hefur verið haft við Tollstjóra í aðdraganda að innleiðingar. Tollstjóri mat það svo 2019 að ekki væri rétt að taka þátt í framangreindu samstarfi. Ekki er fyrirséð að kröfurnar séu íþyngjandi til þess að byrja með þar sem einungis er um póst- og hraðsendingar að ræða. Kröfurnar hafa verið vel kynntar íslenskum hagsmunaaðilum og ættu aðilar að vera meðvitaðir og tilbúnir.
Einnig þarf Samgöngustofa, eftir atvikum í samstarfi við Isavia, að útfæra neyðaráætlanir ef til þess kemur að farið sé að stað með farm sem ekki var heimilt að fljúga með á grundvelli PLACI reglnanna.
Þá þarf Samgöngustofa að uppfæra verklag, gátlista o.s.frv.
Lagastoð fyrir innleiðingu gerðar: Lagastoðin er 70. gr. d, sbr. 145. gr. laga um loftferðir nr. 60/1998 með síðari breytingum.
Rétt væri að innleiðing yrði með breytingu á reglugerð nr. 750/2016 um flugvernd.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.