32021R0695

Horizon Europe er rannsókna- og nýsköpunaráætlun ESB fyrir tímabilið 2021-2027. Áætlunin skiptist í þrjár meginstoðir: 1. Öndvegisrannsóknir þar sem stutt er við hugmyndir og hreyfanleika vísindafólks og rannsóknarinnviði, 2. Alheimsáskoranir og samkeppnishæfni, þar sem stutt er við öll fræðasvið í gegnum vinnuáætlanir og skilgreind viðfangsefni og 3. Nýsköpun í Evrópu, þar sem sameinaður verður allur stuðningur við nýsköpunarfyrirtæki, auk fjárfestinga. Að auki er ein stoð sem liggur þvert á aðrar áætlanir þar sem stutt verður við þátttöku ríkja sem standa höllum fæti í rannsóknarsamvinnu og við framþróun Evrópska rannsóknasvæðisins. Áætlunin mun einnig styðja við þverfaglegar markáætlanir og samfjármögnunarverkefni. Ávinningur íslensks vísindasamfélags af þátttöku hefur verið mikill hingað til og árangur góður. Ísland hefur tekið þátt í rannsóknaráætlunum ESB frá 1995.