Tillaga um ákvörðun Evrópuþingsins og ráðsins til breytingar á ákvörðun 1313/2013 um almannavarnakerfi Evrópusambandsins - 32021R0836

Markmið UCPM er að styrkja samstarf meðal þátttökuríkja Evrópusambandsins í almannavörnum og samhæfa aðgerðir þeirra. Markmiðið er að auka varnir, viðbúnað og viðbrögð vegna náttúruhamfara og annarra hamfara og vera til staðar fyrir aðildarríkin með aðstoð og bjargir við neyðarástand.Ísland hefur tekið þátt í áætluninni tímabilið 2014 – 2020. Ákvörðun Evrópuþingsins og -ráðsins nr. 1313/2013/EU um áætlunina var breytt í lok tímabilsins (2019) og breyting nefnd RescEU tekin inn í áætlunina og fjárframlög hækkuð vegna aðkallandi aðstæðna í aðildarríkjunum, þ.á.m. mikilla skógarelda víða. Árið 2020 voru síðan fjárframlög til yfirstandandi áætlunarinnar hækkuð á ný vegna aðgerða í Covid-19 heimsfaraldrinum.
Með RescEU eru alvarlegar hamfarir skilgreindar í aðildarríkjunum og viðbragðsgeta skoðuð og forgangsraðað. Megin breytingin með RescEU er að Evrópusambandið mun í gegnum áætlunina taka þátt í kaupum á björgum með aðildarríkjunum til að takast á við þessar hamfarir, t.d. þyrlur, flugvélar og annan búnað, sem löndin þurfa umfram eigin búnað og búnað annarra þáttökuríkja (European Civil Protection Pool). Áhersla er lögð á að styrkja getu ríkjanna til að takast á við skilgreindar hamfarir og mun fjármagni úr áætluninni verða veitt til aðildarríkjanna til þess að taka þátt í að kaupa nauðsynlegar viðbótar bjargir. Ákveðið var að til að byrja með verði forgangur á viðbrögðum vegna skógarelda. Á næsta tímabili verða viðbrögð við CBRNE (hættulegum efnum) og heilbrigðishamförum tekin fyrir. Bjargirnar verða staðsettar með landfræðilega dreifingu í huga, í norður Evrópu, suðuraustur Evrópu, austur Evrópu og suður Evrópu. Samhæfing viðbragða við Covid-19 heimsfaraldrinum hjá ESB fer fram á vettvangi áætlunarinnar og voru stöðufundir í fjarfundi haldnir reglulega með þátttökuríkjunum. Á vettvangi áætlunarinnar hefur ESB stutt aðildarríki við innkaup á nauðsynlegum lækningavörum með 90% fjárstuðningi með RescEU fjármögnun. Vörurnar eru þannig til staðar fyrir öll þátttökuríki og verða nýttar þar sem skortur er og er hækkun á framlögum til UCPM liður í fjármögnun á þessum stuðningi. UCPM skipulagði einnig tugi flugferða til að sækja borgara ESB sem voru strandaðir vegna ferðatakmarkana vegna faraldursins víðs vegar um heiminn og fluttu þá til síns heima. Ísland nýtti sér slíka ferðastyrki.