32021R1087

Markmið sem að er stefnt: Um er að ræða framselda gerð framkvæmdastjórnarinnar um breytingu á reglugerð (ESB) 2018/1139 Breytingarnar snúa að uppfærslu á tilvísunum til ákvæða Chicago-samningsins. Markmið með þessari gerð er að stuðla að háu og samræmdu stigi umhverfisverndar með því að samræma umhverfisverndarkröfur við ICAO SARPs í 16. viðauka við Chicago-samninginn. Aðdragandi: Loftför, önnur en ómönnuð loftför, hreyflar þeirra, loftskrúfur, hlutar og óuppsettur búnaður eiga að uppfylla kröfur um umhverfisvernd skv. ákvæðum reglugerðar (ESB) 2018/1139 sem vísa til viðeigandi ákvæða Chicago-samningsins um kröfurnar.   Þann 11. mars 2020 samþykkti Alþjóðaflugmálastofnunin (ICAO) breytingu á 16. viðauka við Chicago-samninginn á I. bindi „flughávaði“, II. bindi „losun frá hreyflum“ og á III. bindi „losun koltvísýrings frá flugvélum“. Breytingarnar tóku gildi 1. janúar 2021. Vegna þessara breytinga þarf að uppfæra tilvísanir í Chicago-samninginn í reglugerð (ESB) 2018/1139. Efnisútdráttur: 2. mgr. 9. gr. reglugerðar (ESB) 2018/1139 er breytt og orðast svo: „Að því er varðar hávaða og losun skulu þessi loftför og hreyflar þeirra, loftskrúfur, hlutar og óuppsettur búnaður uppfylla kröfurnar um umhverfisvernd, sem settar eru fram í 13. breytingu á I. bindi, 10. breytingu á II. bindi og 1. breytingu á III. bindi, sem gilda öll frá og með 1. janúar 2021, í 16. viðauka við Chicago-samninginn. Umsögn: helstu breytingar, mati á umfangi, og áhrif hér á landi: Engin áhrif metin vegna gerðarinnar Lagastoð fyrir innleiðingu gerðar: Um er að ræða breytingu á reglugerð ESB 2018/1139 sem enn hefur ekki verið innleidd. . Innleidd með breytingu á reglugerð sem notuð verður til að innleiða reglugerð Evrópusambandsins 2018/1139. Mat eða tilgreining á kostnaði hins opinbera, sveitarfélaga og atvinnulífs og ALMENNINGS, ef einhver er: Enginn kostnaður metinn í tengslum við  innleiðingu þessarar reglugerðar. Þörf fyrir EFTA-komment – aðlaganir sem þegar eru í gildi vegna undanfarandi gerða: Ákvæði gerðarinnar vísa í reglugerð (ESB) 2018/1139 sem hefur enn ekki verið tekin upp í EES samninginn. Fyrirséð er að gerðin verði tekin upp í samninginn með aðlögunum.