32021R1237

Reglugerðin felur í sér breytingu á GBER sem er almenna hópundanþágureglugðin frá tilkynningarskyldu. GBER reglugerðin felur í sér að tilteknir flokkar ríkisaðstoðar sem uppfylla þau skilyrði sem fram koma í GBER eru undanskildir tilkynningarskyldu til ESA þar sem skilyrðin GBER eru til þess fallin að tryggja að aðstoðin samrýmist reglum innri markaðrins skv. 61. gr. EES-samningsins. Nú stendur yfir uppfærsla á leiðbeinandi reglum um ríkisaðstoð sem tekur til þeirrar aðstoðar sem fellur ekki undir GBER og er því háð mati ESA hverju sinni á því hvort hún samrýmist reglum innri markaðrins skv. 61. gr. EES-samningsins.Sú uppfærsla sem nú er gerð á GBER veitir aukna möguleika til veitingu ríkisaðstoðar til að styðja við markmið í umhverfis- og loftslagsmálum með því að heimila ríkisaðstoð til fjölbreyttra verkefna sem hafa jákvæð áhrif á umhverfis- og loftslagsmál og með því að þrengja skilyrði fyrir veitingu ríkisaðstoðar til orkufrekrar atvinnustarfsemi þannig að hvati verði til að draga úr orkunotkun. Jafnframt eru auknar heimildir til veitingu ríkisaðstoðar varðandi umhverfisvænt eldsneyti og orkunotkun bygginga.Breytingin felur jafnframt í sér auknar heimildir til veitingar ríkisaðstoðar vegna áhættufjárfestinga (risk finance) til að styðja við lítil fyrirtæki, m.a. hvað varðar hugverkaréttindi, og einföldun skilyrða varðandi aðstoð vegna rannsóknar- og þróunarstarfsemi. Loks eru auknar heimildir til veitingu byggðaaðstoðar m.a. til mótvægisaðgerða vegna fólksfækkunar.