32021R1257

Reglugerð (ESB) 2017/2358 fjallar um kröfur um eftirlit og stýringu afurða fyrir vátryggingafélög og dreifingaraðila vátrygginga. Í II. kafla reglugerðarinnar er fjallað um kröfur til framleiðenda um afurðastýringu sem felast m.a. í afurðasamþykktarferli. Skilgreina skal markhóp og hóp viðskiptavina fyrir hverja vátryggingaafurð. Þá skal prófa afurð áður en hún er markaðssett eða verulega breytt eða ef markhópurinn hefur breyst verulega.Reglugerð (ESB) 2017/2359 fjallar um kröfur um upplýsingar og reglur um viðskiptahætti sem gilda um dreifingu vátryggingatengdra fjárfestingarafurða. Í II. kafla reglugerðarinnar er fjallað um hagsmunaárekstra og hvata og í III. kafla um mat á hæfi og tilhlýðileika. Dreifingaraðilar skulu m.a. á grundvelli reglugerðarinnar fá tilteknar upplýsingar um þekkingu og reynslu viðskiptavinar af fjárfestingum sem skipta máli vegna þeirrar vátryggingatengdu fjárfestingarafurðar sem um ræðir.Í reglugerð (ESB) 2021/1257 eru reglurnar um sjálfbærni á sviði fjármálaþjónustu, þ.m.t. sjálfbærniþætti og markmið, samþættar við efni reglugerða (ESB) 2017/2358 og 2017/2359.