Útdráttur
Í reglugerð (ESB) nr. 965/2012 eru ítarlegar reglur um flugrekstur þar á meðal um eldsneytisáætlanir. Með þessari gerð er reglugerðinni breytt þannig að hún endurspegli nýlegar framfarir í vélatækni og bestu starfshætti á sviði flugrekstrar. Nokkur áhrif hér á landi. Kostnaður mun fylgja innleiðingu gerðarinnar.
Nánari efnisumfjöllun
Markmið sem að er stefnt: Um er að ræða framkvæmdareglugerð (ESB) 2021/1296 um breytingu og leiðréttingu á reglugerð (ESB) 965/2012 að því er varðar kröfur um eldsneytisáætlanir/orkuáætlanir og varðandi kröfur um stuðningsáætlanir og sálfræðilegt mat á flugáhöfnum, auk skimana fyrir geðvirkum efnum.Í reglugerð (ESB) nr. 965/2012 eru ítarlegar reglur um flugrekstur þar á meðal um eldsneytisáætlanir. Markmið með gerðinni er að uppfæra reglugerðina þannig hún endurspegli nýlegar framfarir í vélatækni og bestu starfshætti á sviði flugrekstrar.Efnisútdráttur: Þessi gerð snýr að því að innleiða nýlegar breytingar á viðauka 6 við Chicago-samninginn sem snúa að kröfum um eldsneytis/orkuáætlanir skv. reglugerð (ESB) nr. 965/2012.Breytingarnar snúa meðal annars að breyttri hugtakanotkun þar sem hugtakinu eldsneyti er breytt í eldsneyti/orka til að endurspegla nýja tækni og nýsköpun.Gerðar eru breytingar á eldsneytiskröfum sem felast m.a. í auknu rekstraröryggi hvað varðar tölvuvæddar / gagnadrifnar áætlanir fyrir eldsneytisútreikninga og samhliða því eru settar fram kröfur varðandi þjálfun starfsfólks í flugumsjón. Í þessu samhengi eru gerðar nýjar kröfur hvað varðar starfsfólk eftirlitsstofnana (Samgöngustofu) sem felast í kröfum hvað varðar reynslu og þekkingu.Viðbótarkröfur er settar á flugmálayfirvöld sem felast í eftirliti á áætlunum og úrvinnslu á eldsneytisáætlunum o.þ.h.Nýjar kröfur um eldsneytisáfyllingu í sérstökum aðstæðum s.s. með hreyfil í gangi hvort sem er með farþega um borð eða ekki. Framangreindar kröfur eiga við bæði flugvélar og þyrlur.Viðmið fyrir lögbær yfirvöld við mat á áhættu vegna rekstraröryggis.Þá eru gerðar breytingar sem snúa að reglugerð (ESB) 2018/1042 en með henni var bætt kröfum við reglugerð (ESB) 965/2012 um stuðningsáætlanir, sálrænt mat á flugáhöfn og kerfisbundnar og handahófskenndar skimanir fyrir geðvirkum efnum til að tryggja heilbrigði flugliða. Samkvæmt þeim kröfum átti Flugöryggisstofnunin að skila skýrslu um skilvirkni þessara krafna í ágúst 2022. Skiladagsetningu þeirrar skýrslu er með þessari gerð frestað til 14. ágúst 2023 og er það vegna áhrifa COVID-19.Gerðar eru breytingar á viðaukum I, II, III, IV, V, VI, VII og VIII við reglugerð (ESB) 965/2012 í samræmi við viðauka I við þessa gerð.Viðauka I við reglugerð (ESB) 965/2012 er breytt í samræmi við viðauka II við þessa gerð.Umsögn: helstu breytingar, mati á umfangi, og áhrif hér á landi: Í reglugerðinni eru nýjar eldsneytiskröfur settar fram fyrir atvinnuflug, sérstaka starfrækslu loftfara (SPO) og einkaflug. Í reglugerðinni eru sértækar hæfniskröfur fyrir eftirlitsmenn flugmálayfirvalda, starfsmenn í flugumsjón flugrekenda og áhafna loftfara.Um er að ræða nokkuð breytta nálgun um eldsneytiskröfur sem kallar á breytt verklag og úrvinnslu gagna hjá flugrekendum sem og þjálfun starfsfólks.Frestur fyrir Flugöryggisstofnun Evrópusambandsins (EASA) hefur engin áhrif hér á landi.Lagastoð fyrir innleiðingu gerðar: Lagastoðin er 85. gr. a sbr. 145. gr. laga um loftferðir nr. 60/1998 með síðari breytingum. Rétt væri að reglugerðin yrði innleidd með breytingu á reglugerð nr. 237/2014 um tæknikröfur og stjórnsýslureglur í tengslum við starfrækslu loftfara.Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Gera má ráð fyrir kostnaði fyrir Samgöngustofu vegna þjálfunar starfsmanna. Senda þarf eftirlitsmenn á námskeið erlendis og uppfæra þarf innri kerfi Samgöngustofu.Kostnaður vegna þessa er metinn:Ferðakostnaður sérfræðings v. 4 daga námskeiðs erlendis: 222.620 kr.Námskeiðsgjald: 227.560 kr. (1.500 EUR)Uppfærsla á innri kerfum og þjálfun 150 klst. vinna sérfræðings: 1.795.500Samtals áætlaður kostnaður: 2.245.680 kr.Tilgreining á hagsmunaaðilum: Flugrekendur.