Nýfæði - 32021R1319

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði. Sótt hefur verið um leyfi til að breyta sértækum skilyrðum fyrir koríanderolíu. Sótt var um leyfi til að hækka sýrugildi úr 2.5 mg KOH/g olíu, eins og segir í nýfæðisskrá, í ≤ 3.5 mg KOH/g olí og að breyta litalýsingu úr „eilítið gul á lit“ í „gulleit til brún á lit“. Framkvæmdastjórnin telur að þessi breyting hafi ekki áhrif á öryggi vörunnar og því er ekki ástæða til að leita álits Matvælaöryggis-stofnunarinnar. Byggt á því og í samræmi við staðlaskrá Sameinuðu þjóðanna, FAO/WHO Codex Alimentarius, telur Framkvæmdastjórnin að mörk fyrir sýrugildi kóríanderolíu skuli vera 4.0 mg KOH/g. Viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.