Nýfæði - 32021R1377

Gerðin varðar reglugerð (ESB) 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði. Nýfæðið astaxantínríkt óleóresín úr þörungnum Haematococcus pluvialis er leyft samkvæmt reglugerð þingsins og ráðsins (ESB) nr. 258/97 til notkunar í fæðubótarefni sem ætlað er til almennrar notkunar. Hámarks magn sem leyft er, er 40-80 mg/dag af óleóresíni sem jafngildir ≤ 8,0 mg astaxantíni á dag. Þegar listi bandalagsins yfir leyfilegt nýfæði var birtur 2017, vildi framkvæmdastjórnin láta kanna hvort neysla astaxantíns með fæðubótarefnum sem innihalda leyfilegt hámarksmagn allt að 8,0 mg/dag, gæti farið yfir ADI gildi. Auk þess hefur komið fram að þegar er töluverð neysla á astaxantíni úr venjulegu fæði, þar sem það er að finna í sumum tegundum fisks og krabbadýra. Framkvæmdastjórnin óskaði umsagnar Matvælaöryggisstofnunar Evrópu (EFSA) um öryggi astaxantíns sem nýfæðis í fæðubótarefnum í magni allt að 8,0 mg/dag og með tilliti til heildarinntöku astaxantíns frá öllum fæðutegundum. EFSA skilaði áliti og telur að efnið sé öruggt til notkunar í því magni sem leyft er fyrir fullorðna og ungmenni frá 14 ára aldri. Fæðubótarefni sem innihalda astaxantínríkt óleóresín úr Haematococcus pluvialis þarf að merkja til að tryggja að þessara fæðubótarefna sé ekki neytt af börnum og unglingum yngri en 14 ára. Viðauka við framkvæmdareglugerð (ESB) 2017/2470 er því breytt í samræmi við viðauka við þessa reglugerð og með þeim skilyrðum sem þar koma fram.