32021R1889

Markmið sem að er stefnt: Um er að ræða tillögu að reglugerð um breytingu á reglugerð (EBE) nr. 95/93 um úthlutun afgreiðslutíma á flugvöllum. Markmið með gerðinni er að koma til móts við flugrekendur sem geta ekki nýtt úthlutunartíma sinn í 80% tilvika eins og áskilið er samkvæmt reglugerð (EBE) nr. 95/93 skv. svokallaðri use-it-or-lose-it reglu. Efnisútdráttur: Í reglugerð (EBE) nr. 95/93 er kveðið á um skyldu flugrekenda til að nýta úthlutaða afgreiðslutíma á flugvöllum í 80% tilvika innan úthlutunartímabils en að öðrum kosti missa þá.Nokkrar breytingar hafa verið gerðar á reglugerð nr. 95/93 vegna áhrifa COVID-19 á getu flugrekenda til að nýta úthlutunartíma sinn á flugvöllum. Með þeim breytingum hefur verið veitt undanþága frá reglunni um 80% nýtingu á afgreiðslutíma. Með þessari tillögu að reglugerð er lagt til að undanþága frá fullri nýtingu verði framlengd fram yfir komandi vetrartímabil frá 31. október 2021 til 26 mars 2022. Á því tímabili er gert ráð fyrir að flugrekandi nýti afgreiðslutíma sinn í 50% tilvika í stað 80%.Umsögn: helstu breytingar, mati á umfangi, og áhrif hér á landi: Reglugerðin hefur jákvæð áhrif á íslenska flugrekendur og möguleika þeirra á að halda óbreyttum úthlutuðum afgreiðslutíma á Keflavíkurflugvelli þrátt fyrir að uppfylla ekki nýtingartíma samkvæmt ákvæðum reglugerðar (EBE) nr. 95/93.Lagastoð fyrir innleiðingu gerðar: Lagastoðin er 1. mgr. 57. gr. c, sbr. 145. gr. laga um loftferðir nr. 60/1998, með síðari breytingum. Rétt væri að reglugerðin yrði innleidd með breytingu á reglugerð nr. 858/2014 um úthlutun afgreiðslutíma flugvalla.Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn enginn.Skörun við starfssvið annarra ráðuneyta: Nei. Horizontal issues: sektir, aðrar refsingar, stofnanir, lönd utan EES: Nei.