Nýfæði - 32021R2029

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði. Sótt hefur verið um leyfi Framkvæmdastjórnarinnar til að markaðssetja, á sameiginlega markaðnum, 3-fúkósýllaktósa (3-FL) sem framleiddur er hjálp erfðabreytts stofns af E. coli,  K12 MG1655 sem nýfæði í samræmi við 10. gr. reglugerðar (ESB) 2015/2283. Sótt var um leyfi til að nota 3-FL í ýmsar gerðir matvæla, s.s. mjólkurvörur, kornafurðir, drykkjarvörur o.fl. Umsækjandi fór fram á að hluti af rannsóknunum sem umsóknin byggist á njóti gagnaverndar, sbr. gr. 26.1 í reglugerð 2015/2283 og að umsækjandi hafi einkarétt á að vísa í hluta af þeim rannsóknum sem umsóknin byggir á, sbr. gr.  26.2 í reglugerð 2015/2283. Eftir að hafa skoðað gögn málsins ákvað framkvæmdastjórnin að fallast á beiðnina og veitti umsækjanda einkarétt á að vísa til fyrrgreindra rannsókna. Einkaleyfið gildir í fimm ár frá gildistöku þessarar reglugerðar. Því er umsækjenda veitt einkaleyfi á að markaðssetja nýfæði byggt á þessari reglugerð til fimm ára. Einkarétturinn kemur hins vegar ekki í veg fyrir að aðrir aðilar geti sótt um leyfi fyrir sama nýfæði ef umsókn er byggð á löglega fengnum gögnum. Framkvæmdastjórnin óskaði umsagnar Matvælaöryggisstofnunar Evrópu sem skilaði áliti og taldi að 3-FL væri öruggt til notkunar í þær vörur og með þeim skilyrðum sem sótt var um leyfi fyrir. Framkvæmdastjórnin fellst á umsóknina og viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.