Útdráttur
Reglugerð (ESB) 2021/2179, sem hér er til skoðunar, kveður á um tæknilegar kröfur um tengingar við IMI gagnagrunninn. Kveðið er á um að yfirlýsingar um útsenda starfsmenn, e. posting declarations sbr. 11. gr. tilskipunar (ESB) 2020/1057, sem og önnur gögn sem þar er fjallað um, verði á einfaldan hátt sett í og sótt í IMI gagnagrunninn og verði aðgengileg eftirlitsstjórnvöldum ríkjanna. Lítil áhrif á innviðaráðuneyti og stofnanir.
Nánari efnisumfjöllun
Markmið sem að er stefnt: Gerðin er sett til nánari útfærslu á tilskipun (ESB) 2020/1057, of the european parliament and of the council of 15 july 2020 laying down specific rules with respect to directive 96/71/EC and directive 2014/67/EU for posting drivers in the road transport sector and amending directive 2006/22/EC as regards enforcement requirements and regulation (EU) no 1024/2012. Sú gerð lýtur einkum að því að útvíkka reglur um eftirlit með vinnutíma og hvíldartíma ökumanna í flutningastarfsemi þannig að þær gildi einnig um útsenda starfsmenn.Áhrifamat á tilskipun (ESB) 2020/1057 var sent ráðuneytinu 2020. Þar kom fram það mat Samgöngustofu að gerðin hefði óveruleg áhrif fyrir stofnunina, m.a. þar sem það væri lögreglan sem færi með vegaeftirlit. Þá kom fram að fáir ökumenn væru sendir á milli landa, þ.e. farstarfsmenn sem störfuðu hér á landi fyrir erlenda aðila.Í umsögn frá lögreglunni sem barst Samgöngustofu þann 21. febrúar 2022 við gerð (ESB) 2020/1057 kom fram að lögreglan taldi tilskipun (ESB) 2020/1057 ekki hafa í för með sér mikinn kostnaðarauka. Lögreglan taldi að skýra þyrfti betur hlutverk vegna upplýsingaflæðis sbr. 8. gr. um upplýsingaskipti, e. Exchange of information, en í gerðinni er m.a. vísað til gagnagrunnsins: the Internal Market Information System – IMI. Sá grunnur er stofnaður á grundvelli reglugerðar (ESB) nr. 1024/2012 sem aftur er innleidd með reglugerð nr. 557/2017 af utanríkisráðherra.Samgöngustofa bendir á að þegar að því kemur að innleiða gerðir (ESB) 2020/1057 og (EU) 2021/2179 þarf að skilgreina hvaða stjórnvald fari með hlutverk lögbærs stjórnvalds sem flytjandi skal senda yfirlýsingu um útsenda starfsmenn til, e. posting declaration, sem og að tryggja þarf aðgang að fyrrnefndu Internal Market Information System – IMI. Að mati Samgöngustofu yrði það stjórnvald væntanlega lögregla í ljósi hlutverks lögreglu í vegaeftirliti. Að minnsta kosti þarf að tryggja aðgang lögreglu að IMI gagnagrunninum.Reglugerð (ESB) 2021/2179, sem hér er til skoðunar, kveður á um tæknilegar kröfur um tengingar við IMI gagnagrunninn. Kveðið er á um að yfirlýsingar um útsenda starfsmenn, e. posting declarations sbr. 11. gr. tilskipunar (ESB) 2020/1057, sem og önnur gögn sem þar er fjallað um, verði á einfaldan hátt sett í og sótt í IMI gagnagrunninn og verði aðgengileg eftirlitsstjórnvöldum ríkjanna.Lagastoð fyrir innleiðingu gerðar: Lagastoðin er 34. gr. laga um farþegaflutninga og farmflutninga á landi nr. 28/2017 og innleiðing færi fram með breytingu á reglugerð um leyfi til að stunda farþegaflutninga og farmflutninga á landi nr. 474/2017Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Að öllum líkindum óverulegur kostnaður fyrir Samgöngustofu, þar sem Samgöngustofa heldur ekki utan um IMI gagnagrunninn. Utanríkisráðuneytið í samstarfi með lögreglu þarf væntanlega að skoða hvernig umræddar tengingar í IMI kerfinu verða útfærðar.Skörun við starfssvið annarra ráðuneyta: utanríkisráðuneyti, dómsmálaráðuneytiHorizontal issues: sektir, aðrar refsingar, stofnanir, lönd utan EES: NeiÞörf fyrir EFTA-komment – aðlaganir sem þegar eru í gildi vegna undanfarandi gerða: Nei
