Útdráttur
Í reglugerð (ESB) 965/2012 er mælt fyrir um ítarlegar kröfur um að flugrekendur veiti áhöfn reglulega þjálfun og eftirlit. Gerðar hafa verið breytingar á þeirri gerð í þeim tilgangi að endurspegla nýjustu staðla ICAO um starfrækslu loftfara í skertu skyggni. Þá hafa einnig verið gerðar breytingar í þeim tilgangi að mynda heildarramma fyrir blindflug í lélegu skyggni sem snúa m.a. að þjálfun flugmanna. Vegna framangreindra breytinga þarf að gera breytingar á reglugerð (ESB) 1178/2011 og eyða samsvarandi kröfum úr reglugerðinni og skipta út fyrir tilvísanir í reglugerð (ESB) 965/2012. Lítil áhrif hér á landi. Kostnaður óverulegur.
Nánari efnisumfjöllun
Markmið sem að er stefnt: Um er að ræða framkvæmdareglugerð framkvæmdastjórnarinnar um breytingu á reglugerð nr. 1178/2011 að því er varðar kröfur um starfrækslu í skertu skyggni og blindflus- og tegundaráritanir vegna þjálfunar á þyrlur. Aðdragandi: Í I. viðauka (FCL hluta) við reglugerð (ESB) nr. 1178/2011 er kveðið á um þjálfunarkröfur vegna flugmannsskírteina, þar á meðal kröfur um aðflug í samræmi við blindflugsreglur (IFR).Í reglugerð (ESB) 965/2012 er mælt fyrir um ítarlegar kröfur um að flugrekendur veiti áhöfn reglulega þjálfun og eftirlit. Gerðar hafa verið breytingar á þeirri gerð í þeim tilgangi að endurspegla nýjustu staðla ICAO um starfrækslu loftfara í skertu skyggni. Þá hafa einnig verið gerðar breytingar í þeim tilgangi að mynda heildarramma fyrir blindflug í lélegu skyggni sem snúa m.a. að þjálfun flugmanna.Vegna framangreindra breytinga þarf að gera breytingar á reglugerð (ESB) 1178/2011 og eyða samsvarandi kröfum úr reglugerðinni og skipta út fyrir tilvísanir í reglugerð (ESB) 965/2012. Þar sem nú má votta eins hreyfils þyrlur til starfrækslu í blindflugi eru reglur um þær endurskoðaðar. Blindflugsáritun og tengd þjálfun skal vera hönnuð til að ná til bæði einhreyfils og fjölhreyfla þyrlna. Viðbótarþjálfun til að breyta réttindum til að stjórna einhreyfils þyrlum yfir í fjölhreyfla þyrlur er ekki lengur nauðsynleg. Fram til þessa hafa einungis fjölhreyfla þyrlur verið notaðar í þyrluflugi samkvæmt blindflugsreglum. Því er rétt að setja fram bráðabirgðaákvæði til að tryggja að flugmenn með blindflugsáritun á þyrlu geti nýtt réttindi sín á bæði einhreyfils og fjölhreyfla þyrlur. Þá snýr gerðin að því að breyta og leiðrétta tilteknar úreltar eða rangar milli tilvísanir í reglugerð 1178/2011 og til að auka skýrleika. EASA hefur útbúið drög að framkvæmdarreglum og lagt fyrir framkvæmdastjórn í áliti nr. 02/2021Efnisútdráttur: Með þessari gerð eru gerðar tilteknar breytingar á reglugerð (ESB) 1178/2011 sem snúa að starfrækslu í skertu skyggni og að þjálfunar- og blindflugsáritunum fyrir þyrluflug. • Gerðar eru breytingar á hugtökum m.t.t. breytinga á kröfum og með tilkomu nýrra krafna• Gerðar eru breytingar á lágmarksfjölda flugtaka og lendinga á tilteknum tíma til þess að viðhalda hæfni á loftfar• Gerðar eru breytingar á lágmarkskröfum fyrir ATPL skírteini á þyrlu• Gerðar eru breytingar á hæfnikröfum vegna mismunandi áritana / réttindi.Umsögn: helstu breytingar, mati á umfangi, og áhrif hér á landi: Áhrif á Samgöngustofu felast fyrst og fremst í þjálfun eftirlitsmanna, uppfærslu á verklagsreglum og gátlistum. Þá þarf að kynna breytingar fyrir hagsmunaaðilum og framfylgja kröfunum. Óveruleg áhrif á aðra. Reglugerðin fjallar um ýmis atriði sem snúa að blindflugsþjálfun á þyrlu. Það er enginn skóli sem kennir blindflug á þyrlu hér á landi. Eina undantekningin er Landhelgisgæslan en sú þjálfun sem hún veitir er hluti af tegundarþjálfun. UM það bil fjórir þyrluflugmenn hafa blindflugsáritun í íslensku skírteini. Lagastoð fyrir innleiðingu gerðar: Lagastoðin er 31. gr., sbr. 145. gr. laga um loftferðir nr. 60/1998 með síðari breytingum. Rétt væri að reglugerðin yrði innleidd með breytingu á reglugerð nr. 180/2014 um áhöfn í almenningsflugi. Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur. Tilgreining á hagsmunaaðilum: Flugmenn, tegundarkennarar á þyrlur, flugskólar sem kenna blindflug á þyrlu.