32021R2228

Framkvæmdareglugerð framkvæmdastjórnarinnar (ESB) 2021/2228 um vegið meðaltal lúkningargjalda fyrir reikiþjónustu í farsíma fellir úr gildi fyrri gerð um sama efni (2020/2082). Vísast til breytinga sem gerðar voru á reikireglugerð nr. 531/2012/EB með hinni svo kölluðu TSM reglugerð nr. 2015/2120/EB. Þar var boðað að framkvæmdastjórnin myndi setja nánari reglur um „Roam Like Home“, þ.e. að reikigjöld skyldu miðast við heimaverðskrá notandans. Enn fremur að hámark á álagi sem leggja má á móttekin símtöl vegna reikinotkunar umfram viðmið um sanngjörn not skuli vera vegið meðaltal slíkra verða innan EES-svæðisins sem reiknað er út og uppfært einu sinni á ári. Reikireglugerð nr. 531/2012/EB ásamt þeim breytingum sem gerð var á henni með TSM reglugerðinni hafa verið innleiddar hér á landi með reglugerð ráðherra. Með þessari framkvæmdareglugerð er verið að uppfæra útreiknað vegið meðaltal lúkningarverðs í farsíma sem skal vera 0,0072 evrusent fyrir hverja mínútu. Skal gjaldið gilda frá 1. janúar 2022. Fullnægjandi lagastoð fyrir innleiðingu gerðarinnar með reglugerð (tilvísunaraðferð) greinir í 2. mgr. 35. gr. laga um fjarskipti nr. 81/2003, með vísan til fyrri sambærilegra breytinga.