32022D0172

Ákvörðun (EU) 2018/1538 samræmir skilyrði fyrir notkun tíðnisviðanna 874-876 MHz og 915-921 MHz. Þær breytingar sem lagðar eru hér til varða skammdrægan búnað á ensku short-range devices. Slíkur búnaður er léttur og meðfærilegur og því hægt að flytja hann milli staða og landa án nokkurra vandkvæða. Væru gildandi mismunandi reglur eftir löndum um nýtingu tíðnisviðsins fyrir þennan búnað myndi það hindra frjálsan flutning hans, auka framleiðslukostnað og búa til hættu á truflunum á tíðnisviði sem viðkomandi búnaður hefði ekki heimild til að nota. Lögð er til breyting á 2. gr. ákvörðunarinnar þar sem skammdrægur búnaður er skilgreindur og greinin endurskrifuð. Ástæða þessa er sögð sú að koma í veg fyrir tvíræðni og tryggja samsvörun við ákvörðun 2006/771/EC sem fjallar um samræmingu tíðnisviðs fyrir skammdrægan búnað. Tíðnisviðið hefur þó ekki verið notað nema að litlum hluta þ.e. 874-874,4 MHz. Tíðnitafla Fjarskiptastofu er þegar í samræmi það sem lagt er til í viðaukanum varðandi tíðnisviðið, með vísan í 14. gr. fjarskiptalaga nr. 81/2003. Engin kostnaðaráhrif fylgja innleiðingu.